ސްޓެލްކޯއިން ބުނީ މި ކޯހަކީ ގުރައިދޫ އަންހެނުން ތަރައްޤީއަށް މަސައްކަތް ކުރާ ކޮމެޓީން އިސްނަގައިގެން އެ ކުންފުންނާއި ގުޅިގެން ކުރިޔަށް ގެންދިޔަ ކޯހެއްކަމަށެވެ. މި ކޯހުގައި އެރަށުގެ 22 ކަނބަލަކު ބައިވެރވެފައިވާކަމަށެވެ. އަދި މި ކޯހުގެ ބައިވެރިންނަށް ކަރަންޓުގެ އެންމެ އަސާސީ މަސައްކަތްތައް ކުރެވޭނެ ތަމްރީނުތައް ދީފައިވާކަމަށް ސެޓެލްކޯއިން ބުނެއެވެ.
ސްޓެލްކޯއިން ގުރައިދޫގައި ހިންގި އިލެކްޓްރިކް ބޭސިކް ކޯހުގެ ބައިވެރިން ކަރަންޓް ގުޅުމުގެ މަސައްކަތުގައި
މި ކޯހުގައި އިތުރުން ގުރައިދޫގެ ރައްޔިތުންނާއި، ސުކޫލްކުދިންނަށް ހާއްސަކޮށްގެން ކަރަންޓާއި ބެހޭ މައުލޫމާތު ދިނުމަށް ހާއްސަ ޝެޝަނެއްވެސް ވަނީ ބާއްވާފައެވެ. މި ސެޝަންގައި ކަރަންޓު އިގްތިސާދުކުރުމަށް ކުރެވިދާނެ ކަންކަމުގެ އިތުރުން ކަރަންޓު ބިލްތައް ތައްޔާރުކުރެވޭ ގޮތާއިގުޅޭ މައުލޫމާތު ދީފައިވާކަމަށް ސްޓެލްކޯއިން ބުނެއެވެ. ސުވާލާއި ޖަވާބަށް ހުޅުވާލައިގެން ބޭއްވި މި ސެޝަންއަށް ވަރަށް ރަނގަޅު ތަރުހީބެއް ލިބިގެން ދިޔަކަންވެސް ސެޓެލްކޯއިން ފާހަގަކުރެއެވެ.
ކަރަންޓު އިގްތިސާދުކުރާނެ ގޮތާއި ގުޅޭގޮތުން މައުލޫމާތު ދިނުމަށް ގުރައިދޫގައި ބޭއްވި ސެޝަންގެ ތެރެއިން
ކަރަންޓާއި ގުޅިގެން ދިމާވާ ކަންތައްތަކާއި ގުޅޭގޮތުން މީހުން ހޭލުންތެރިކަން އިތުރުކުރުމަށް ސްޓެލްކޯއިން އަންނަނީ ރާއްޖޭގެ އެކި ކަންކޮޅުތަކުގައި ހަރަކާތްތައް ހިންގަމުންނެވެ. އޭގެތެރޭގައި ކަރަންޓްގެ ބޭސިކް ކޯސްތައްވެސް ހިމެނެެއެވެ.
