ވެލާނާ އިންޓަނޭޝަނަލް އެއާޕޯޓުން ރާއްޖެއިން ބޭރަށް ފުރާ ކޮންމެ ދިވެއްސަކަށް މިހާރު ދޫކުރަމުން އަންނަ 500 ޑޮލަރު ދެގުނަކޮށް އެއަދަދު 1000 ޑޮލަރަށް ހެދުމަށް މަސައްކަތް ކުރަމުން އަންނަކަމަށް ރައީސް ޑރ. މުއިއްޒު ވިދާޅުވީ ސަރުކާރަށް އެއް އަހަރު ފުރުމުގެ މުނާސަަތުގައި ބޭއްވި ޖަލްސާގައި ވާހަކަ ދައްކަވަމުންނެވެ.
އެމްއެމްއޭއިން ބޭރު ފައިސާއާއި ބެހޭ ބިލެއް އެކުލަވާލުމުން އެކަމަށް ތައުރީފު ކުރައްވާ އެކްސްގައި ކުރެއްވި ޕޯސްޓެއްގައި ރައީސް ޑރ. މުއިއްޒު ވަނީ އެ ބިލް ގާނޫނަކަށް ވުމުން އަންނަ ބަދަލުތައް ފާހަގަކުރައްވާފައެވެ. އަދި އަންނަ ބަދަލުތަކާއި ގުޅިގެން ބައެއް ކަންކަމުގައި ސަރުކާރުން އަމަލުކުރަން ފަށާނެ ޓައިމްލައިނެއް ވަނީ ހިމަނުއްވާފައެވެ.
އެގޮތުން ވެލާނާ އިންޓަނޭޝަނަލް އެއާޕޯޓުން ފުރާ ކޮންމެ ދިވެއްސަކަށް ލިބޭ 500 ޑޮލަރު ދެގުނަކޮށް އެއަދަދު 1000 ޑޮލަރަށް ހެދުމަށް ކުރާ މަސައްކަތުނ އެ އަދަދު 2026 ގެ ފުރަތަމަ ކުއާޓާގައި ދޭން ފަށޭނެކަން ރައީސް ވަނީ ވިދާޅުވެފައެވެ.
