ކުޑަކުދިން ފޮޓޯ: ޖެންޑާ މިނިސްޓްރީ
މީޑިއާތަކުން ކުޑަކުދިންގެ މައުލޫމާތު ހާމަކުރާ ގޮތާމެދު އޮމްބަޑްސްޕާސަން ކަންބޮޑުވެއްޖެ
ގުފްތަގް އަޖީރު
28 ނޮވެންބަރ 2024 - 14:14:34
ކުޑަކުދިންގެ މައުލޫމާތު ހާމަކުރުމުގައި ބައެއް މީޑިއާތަކުން އަމަލުކުރަމުންދާ ގޮތާމެދު ޗިލްޑްރަންސް އޮމްބަޑްސްޕާސަންގެ އޮފީހުން ވަނީ ކަންބޮޑުވުން ފާޅުކޮށްފަ އެވެ.
Advertisement
އެ އޮފީހުން ބުނީ ކުޑަކުދިންނަކީ ހާއްސަ ރައްކާތެރިކަން ލިބެންޖެހޭ ބައެއް ކަމަށާއި، ކުޑަކުދިންގެ ހައްގުތައް ރައްކާތެރިކުރުމުގެ ގާނޫނާ ހިލާފަށް ބައެއް މީޑިއާތަކުން ކުޑަކުދިންގެ ކަރާމާތަށް އުނިކަން އަންނަ ގޮތަށް ޒާތީ މައުލޫމާތު އާންމުކުރަމުންދާ ކަމަށެވެ.
އޮމްބަޑްސްޕާސަންގެ އޮފީހުން އިތުރަށް ބުނީ ކުށުގެ ޝިކާރައަކަށް ވެފައިވާ ކުދިންނާއި ނާޒުކު ހާލަތުގައި ތިބި ކުދިންގެ މައުލޫމާތު އާންމުކުރުމުގައި އެ އޮފީހުން ހުއްދަކުރާ މިންވަރާ ހިލާފަށް އަމަލުކޮށްފި ނަމަ ފިޔަވަޅު އެޅޭނެ ކަމަށެވެ.
"މިފަދަ ކަންކަމަކީ ކުއްޖާގެ ކަރާމާތާއި ރައްކާތެރިކަމަށް އުނިކަމެއް އަތުވެދާނެ ފަދަ ކަމެއް. މި ގޮތަށް މައުލޫމާތު އާންމުކުރުމުން ކުޑަކުދިންގެ މަސްލަހަތު ރައްކާތެރި ނުކުރެވި، ކުއްޖާ އަނިޔާއަކަށް އަދި ނުރައްކަލަކަށް ނުވަތަ ގޯނާއަކަށް ހުށަހެޅިދާނެ،" އޮމްބަޑްސްޕާސަންގެ އޮފީހުން ބުންޏެވެ.
މި މައްސަލައިގައި މީޑިއާތަކުން ކުޑަކުދިންނަށް ލިބެންޖެހޭ ހުރިހާ ހައްގުތަކާއި ރައްކާތެރިކަން ކަށަވަރުކޮށްދިނުމުގައި ދެމިތިބުމަށް އެ އޮފީހުން ވަނީ އިލްތިމާސްކޮށްފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
