ކައުންސިލްތަކަށް ފަޅުރަށްތަށް ލިބޭގޮތަށް ހެދުމަކީ ރައީސް ޑރ. މުހައްމަދު މުއިއްޒުގެ މުހިއްމު ސިޔާސަތެއްކަމަށް ފާހަގަކޮށް މިނިސްޓަރު އާދަމް ޝަރީފް އެކްސްގައި ކުރެއްވި ޕޯސްޓެއްގައި ވިދާޅުވީ އެ ސިޔާސަތުގެ ދަށުން އެކުލަވާލި އުސޫލާއެއްގޮތަށް ޕްރޮޕޯސަލް ހުށަހެޅުއްވި ކައުންސިލްތަކުގެ ތެރެއިން 3 ކައުންސިލެއްގެ ޕްރޮޕޯސަލްތައް މިއަދު އިވަލުއޭޓްކޮށް ނިމިފައިވާކަމަށެވެ.
އެގޮތުން މިނިސްޓަރު ވިދާޅުވިގޮތުގަިއ ޕްރޮޕޯސަލްތައް އިވެލުއޭޓްކޯށް ނިމުން ކައުންސިލްތަކަކީ:
- ރ. އިނގުރައިދޫ ކައުންސިލްއިން ރ.ނެޔޮ
- ދ އަތޮޅު ކައުންސިލް އިން ދ.މިނިމަސްގަލި އާއި ފެންފުށިި
- ލ.މާވަށް ކައުންސިލް އިން ލ.ބޮޑުމާބުޅާލި
އެ ޕޯސްޓްގައި މިނިސްޓާ އާދަމް ޝަރީފް އިތުރަށް ވަނީ އަންނަ ހަފްތާގައި އެ މުރާޖާކުރި ޕްރޮޕޯސަލްތަކުގެ ރިޕޯޓް ހުށަހަޅާނެކަމަށް ވިދާޅުވެފައެވެ.
އިވަލުއޭޝަން ކޮމިޓީގެ ހުރިހާ މެންބަރުންނަށާއި ލޯކަލް ގަވަމަންޓް މިނިސްތްރީން ކޯޑިނޭޓް ކުރެއްވި ހުރިހާ ފަރާތަތަަކަށް މިނިސްޓާ ވަނީ ޝުކުރުއަދާކުރައްވާފައެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ ކައުންސިލްތަކަށް ފަޅުރަށް ދޫކުރާ މުއްދަތު 10 އަހަރުން 25 އަހަރަށް އިތުރުކުރުމަށް ނިންމަވާފައެވެ. މީގެ އިތުރުން، ކައުންސިލްތަކަށް އެ ރަށަކުން ނަގާ ޓެކުހުގެ 10 ޕަސަންޓު ލިބޭނެ ނިޒާމެއްވެސް ވަނީ އިއުލާންކޮށްފައެވެ. މި ފިޔަވަޅުތަކަކީ ކައުންސިލްތައް މާލީ ގޮތުން ބާރުވެރިކުރުމަށް އަޅާފައިވާ ފިޔަވަޅުތަކެކެވެ.
