އޭނާ ހައްޔަރުކުރީ މާލޭގައި ފުލުހުން ޕެޓްރޯލް ކުރަމުން ދަނިކޮށެވެ.
ކްރިމިނަލް ކޯޓު އަމުރުގައި ބުނެފައިވަނީ، އޭނާ ހައްޔަރުކުރީ މިދިޔަ ރޭ 02:45 ހާއިރުކަމަށެވެ. އޭނާ ހައްޔަރުކުރީ ފުލުހުން ފެނުމުން ހާސްވެ، ބިރުގަނެ، އެ ސަރަހައްދުން ދާން އުޅުމުންނެވެ.
ފުލުހުން ބުނީ އޭނާގެ ކުޑަކަމުދާ ތަކެތި ޓެސްޓު ކުރިއިރު މަސްތުވާތަކެއްޗަށް ޕޮޒިޓިވް ވެފައިވާ ކަމަށެވެ. އަދި އޭނާ ލައިގެން ހުރި ސޯޓުގެ ދެ ޖީބުން މަސްތުވާތަކެތި ކަމަށް ޝައްކުކުރެވޭ ދެ ޕެކެޓް ފެނުނު ކަމަށް ވެސް ފުލުހުން ބުންޏެވެ.
އިންވެސްޓިގޭޓިން އޮފިސަރު ބުނީ އޭނާގެ އަތުން ފެނުނު މަސްތުވާތަކެތީގެ ބަރުދަން ޓްރެފިކިން މިންގަނޑަށް ނާރާ ކަމަށެވެ. އަދި އޭނާއާ އަދި ސުވާލެއް ވެސް ކޮށްފައި ނުވާ ކަމަށެވެ. އޭނާއަކީ މިހާތަނަށް އެއްވެސް ކުށެއްގެ ރެކޯޑެއް އޮތް މީހެއް ނޫނެވެ.
ކޯޓުން އޭނާ ވަނީ ޝަރުތުތަކަކާ އެކު ދޫކޮށްލައިފަ އެވެ.
