ސަރަހައްދީ އެންމެ ބޮޑު ފުޓްބޯޅަ މުބާރާތް މިހާތަނަށް އެންމެ ފަހަރަކު ފިޔަވައި އޮތީ އެ ކުޅޭ ކޮންވެސް އެއް ގައުމެއްގައި ކުޅޭ ގޮތަށެވެ.
2008 ވަނަ އަހަރު ރާއްޖެއާ ލަންކާ ގުޅިގެން މުބާރާތް ހޯސްޓް ކުރުން ފިޔަވައި މުޅިންވެސް އޮތީ އެއް ވެނިއުއެއްގައި ކުޅޭ ގޮތަށެވެ. އެކަމަކު ސާފް ޗެމްޕިއަންޝިޕް ފުޓްބޯޅަ މުބާރާތް ހޯމް އެންޑް އަވޭ ފޯމެޓަށް ކުޅޭ ޕްރޮޕޯސަލެއްގެ މަޝްވަރާތައް އަނެއްކާވެސްވަނީ ފަށާފައެވެ.
މިހާރު މަޝްވަރާ ކުރެވޭ ޕްރޮޕޯސަލްގައި އޮތީ، ކޮންމެ ގައުމަކަށް އަމިއްލަ ގައުމުގައި މެޗު ކުޅެން ފުރުސަތު ލިބޭނެ ގޮތަށެވެ. 2022 ވަނަ އަހަރު ވެސް ސާފް އިން ވަނީ ސާފް ޗެމްޕިއަންޝިޕް ހޯމް އެންޑް އަވޭ އަށް ކުޅެން ލިބިފައިވާ ޕްރޮޕޯސަލަކާ ގުޅޭގޮތުން މަޝްވަރާކޮށްފަ އެވެ.
ސާފްއާ ހަވާލާދީ، މިޑިއާ ރިޕޯޓްތައް ބުނާގޮތުން، އަންނަ އަހަރުގެ ސާފް ޗެމްޕިއަންޝިޕް އާ ފޯމެޓަށް ކުޅެވޭތޯ އަންނަނީ ބަލަމުންނެވެ.
