އެމްޑީޕީގެ އެކްޓިވިސްޓަކު ކުރި ޕޯސްޓަކާ ގުޅިގެން ފުލުހުން އޭނާ ހާޒިރުކުރި މައްސަލައިގައި އިބްރާހިމް މުހައްމަދު ސާލިހް ވިދާޅުވީ މިއީ ދިވެހި ރައްޔިތުންގެ ބުރަ މަސައްކަތުން ހޯދި ހިޔާލު ފާޅުކުރުމުގެ މިނިވަންކަމާއި ޑިމޮކްރަސީގައި ފަހަތަށް އެޅޭ ފިޔަވަޅެއް ކަމަށެވެ.
ފައްޔާޒް ވިދާޅުވީ ރައީސުލްޖުމްހޫރިއްޔާ އާއި ސަރުކާރުގެ އިސްވެރިންގެ "އަބުރުފުޅު" ގެ ހިމާޔަތުގައި ކައުންސިލަރުންނާ ދެކޮޅަށް ފިޔަވަޅު އަޅަން ފަށާފައިވާ ކަމަށެވެ. އަދި ސަރުކާރާ މެދު ހިތްހަމަނުޖެހުން އޮތްކަން ހާމަކުރުމަކީ ބޮޑު ކުށަކަށް މިއަދު ވެއްޖެ ކަމަށް ވެސް ވިދާޅުވި އެވެ.
މި މައްސަލައިގައި ދާހިލީ ސަލާމަތާ ބެހޭ މިނިސްޓަރު އަލީ އިހުސާން ވިދާޅުވީ މީހަކަށް ޖިސްމާނީ ގޮތުން ގެއްލުމެއް ދީފާނެ ކަމަށް ދޭހަވާ ގޮތަށް ސޯޝަލް މީޑިއާގައި ދައްކާ ވާހަކަތައް ބަލައި ސާފުކުރުމަކީ ކަމާ ބެހޭ އިދާރާތަކުން ކުރަންޖެހޭ ކަމެއް ކަމަށެވެ.
