މިކަމާ ގުޅިގެން މިއަދު އެންސްޕާ އާއި ފެނަކައިގެ މެދުގައި މަޝްވަރާތަކެއް މިއަދު ވަނީ ކުރިއަށް ގެންގޮސްފައެވެ.
ސަރުކާރުގެ ބަޖެޓުން ދައްކާގޮތުން މިހާރު ސަބްސިޑީ ލިބެމުންދަނީ އެންމެ އަދުލުވެރި ގޮތުގައި ނޫނެވެ. އެގޮތުން ސަބްސިޑީގެ 43 ޕަސަންޓު ލިބެނީ އެންމެ މުއްސަނދި 40 ޕަސަންޓު ގޭބިސީތަކަށެވެ.
ފެނަކައިން ބުނީ މިއަދުގެ ބައްދަލުވުމުގައި ސަބްސިޑީ އިސްލާހުކުރުމުގެ މަސައްކަތާއި، ސީދާ ސަބްސިޑީ ދިނުމުގެ އުސޫލާ ގުޅޭގޮތުން މަޝްވަރާކުރި ކަމަށެވެ. އަދި އިޖުތިމާއީ ރައްކާތެރިކަމުގެ ނިޒާމު ހަރުދަނާކުރުމާ ގުޅޭގޮތުންވެސް މަޝްވަރާކުރެވުނު ކަމަށް އެ ކުންފުނިން ބުންޏެވެ.
ސަރުކާރުން ބުނީ އަންނަ އަހަރު ގެންނަން ހުށަހަޅާފައިވާ މާލީ އިސްލާހުތަކުގެ ތެރޭގައި ހިމެނެނީ ނުސީދާކޮށް ދެމުން އައި ސަބްސިޑީތައް އެންމެ ބޮޑަށް ބޭނުންޖެހިފައިވާ މީހުން ދެނެގަނެ، އެ މީހުންނަށް ސީދާ ދިނުމުގެ ނިޒާމަކަށް ބަދަލުކުރުން ކަމަށެވެ.
