ads
ދޮށީ އުމުރުގެ މީހަކު ވޯޓުލާން ގެންދަން ފުލުހުން އެހީވަނީ:-
މުވައްޒަފުންގެ ކަންބޮޑުވުމާއެކު ޕެންޝަން އެލަވަންސް ކުޑަނުކުރަން ނިންމައިފި
ސަރުކާރުގެ މުވައްޒަފުންގެ ކަންބޮޑުވުން ހުރުމާއެކު، ރިޓަޔާ ކުރާ މުވައްޒަފުންނަށް ދެމުން އަންނަ ޕެންޝަން އެލަވަންސަށް އެއްވެސް ބަދަލެއް ނުގެނައުމަށް ސަރުކާރުން މިއަދު ނިންމައިފި އެވެ.
Advertisement

ރައީސް އޮފީހުން ބުނީ މި މައްސަލައާ ގުޅޭގޮތުން އިއްޔެ ބޭއްވި މިނިސްޓަރުންގެ މަޖިލީހުގެ ބައްދަލުވުމުގައި މާލީ ފިނޭސްމިނިސްޓްރީ އިން ފޮނުވި ސިޓީއަށް އަމަލު ނުކުރަން ނިންމި ކަމަށެވެ. މިކަމާ ގުޅޭގޮތުން މިނިސްޓަރުންގެ މަޖިލީހުގައި ފުޅާ ދާއިރާއެއްގައި މަޝްވަރާކުރެވުނު ކަމަށް ވެސް އެ އޮފީހުން ބުންޏެވެ.

މާލީ މިނިސްޓްރީން ބުނީ ޑަބަލް ޕެންޝަން ލިބޭ މުވައްޒަފުންގެ އަދަދު ގިނަވުމާއި، އެތައް އަހަރެއް ވަންދެން ލިބެމުން އައި އިނާޔަތެއް ކަނޑާލުމަކީ އެ މުވައްޒަފުންގެ ކަންބޮޑުވުމަކަށް ވާނެތީ، އެލަވަންސަށް ބަދަލު ނުގެނައުމަށް ނިންމީ ކަމަށެވެ.

ދައުލަތުގެ ބަޖެޓުން މި އަހަރު ޕެންޝަނަށް 266 މިލިއަން ރުފިޔާ ހޭދަކުރާއިރު، އަންނަ އަހަރު 272 މިލިއަން ރުފިޔާ ހޭދަވާނެ ކަމަށް ލަފާކޮށްފައިވެ އެވެ. އޮޑިޓަރ ޖެނެރަލްގެ ރިޕޯޓެއްގައި ބުނެފައިވާ ގޮތުން 2030 ވަނަ އަހަރާ ހަމައަށް ދާއިރު ޕެންޝަނަށް އެކަނި 4.3 ބިލިއަން ރުފިޔާއަށް ވުރެ ގިނަ އަދަދެއް ހޭދަވާނެ އެވެ.

  • މުވައްޒަފުންގެ ކަންބޮޑުވުމާ ގުޅިގެން ޕެންޝަން އެލަވަންސަށް ބަދަލު ނުގެނައުމަށް ނިންމި
  • މާލީ މިނިސްޓްރީގެ ސިޓީއަށް އަމަލު ނުކުރަން މިނިސްޓަރުންގެ މަޖިލީހުން ނިންމި
  • މި އަހަރު ޕެންޝަނަށް 266 މިލިއަން ރުފިޔާ ހޭދަކުރާނެ
  • 2030 ގައި ޕެންޝަނަށް 4.3 ބިލިއަން ރުފިޔާއަށް ވުރެ ގިނަ އަދަދެއް ހޭދަވާނެކަމަށް އޮޑިޓަރ ޖެނެރަލް ބުނެފައިވޭ
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް