އެންސްޕާއިން ބުނީ އެ ބަލިމީހާއަށް 2023 ވަނަ އަހަރުގެ މޭ މަހުން ފެށިގެން މިދިޔަ ނޮވެންބަރު 28 އާ ހަމައަށް ނުވަ ފަހަރެއްގެ މަތިން އެހީ ދީފައިވާ ކަމަށެވެ. މީގެ ތެރޭގައި ބަލިމީހާއާއި އެހީތެރިޔާގެ ޓިކެޓާއި ބޭސްފަރުވާގެ ފުލް ކަވަރޭޖު އަދި ފައިސާގެ އެހީވެސް ހިމެނެ އެވެ.
އެންސްޕާއިން މިއަދު ނެރުނު ބަޔާނުގައި ބުނީ އެ ބަލިމީހާއަށް ކުރިން 1،000 ޑޮލަރު ދިންކަމަށް ބުނާ ބުނުމަކީ ދޮގު ވާހަކައެއް ކަމަށެވެ. އަދި އެކަން ސާބިތުކޮށްދޭނެ އެއްވެސް ލިޔެކިޔުމެއް އެ ވާހަކަ ދެއްކި ފަރާތުގެ އަތުގައިވެސް ނެތް ކަމަށް އެ ފަރާތުން އެއްބަސްވެފައިވާ ކަމަށެވެ.
އެންސްޕާއިން އިތުރަށް ބުނީ އެ ބަލިމީހާއަށް އެހީތެރިކަން ފޯރުކޮށްދީފައިވަނީ އެންސްޕާއާއި އާސަންދައިގެ އުސޫލުތަކުގެ ތެރެއިން ކަމަށެވެ. އަދި ރިއެމްބާސްކުރި ޓިކެޓުގެ ފައިސާ ފިޔަވައި އެހެން ހުރިހާ ފަހަރަކުވެސް އެހީގެ ގޮތުގައި ދީފައިވަނީ 200 ޑޮލަރާއި 250 ޑޮލަރަށްވާ ދިވެހި ރުފިޔާ ކަމަށެވެ.
