އައްޑޫ ދެވަނަ ބުރަށް ދިޔައީ، މާލެ އަތޮޅު ހުރާ ބަލިކޮށްގެނެވެ. ހުރާއާ އައްޑޫ ކުޅުނު މެޗުގައި ހަމަ އެކަނި ލަނޑު ޖެހީ ތަޖުރިބާކާރު ކުޅުންތެރިޔާ އިބްރާހިމް ވަހީދު ހަސަންއެވެ. މި މެޗުން ހޯދި މޮޅާ އެކު އައްޑޫން ވަނީ ފަސް ޕޮއިންޓް ހޯދާފަ އެވެ.
މި ވަގުތު ގުރޫޕް ސީގެ ތާވަލުގެ އެއްވަނައިގައި ވެސް އޮތީ އެ ޓީމެވެ. އެކަމަކު ޅ. ކުރެންދުއާ ދެކޮޅަށް ކުޅޭ މެޗުން މޮޅުވެގެން ކ. ގުރައިދުއަށް ގުރޫޕްގެ އެއްވަނަ ހޯދޭނެއެވެ. ގުރައިދުއަށްވެސް ވަނީ ދެވަނަ ބުރުގެ ޖާގަ ކަށަވަރުވެފަ އެވެ.
ހުރާ މެޗުން ބަލިވުމުން، އެ ޓީމަށް ޖެހޭނީ ގުރައިދު އާއި ކުރެންދޫގެ މެޗުގެ ނަތީޖާ އަށް އިންތިޒާރު ކުރާށެވެ. ކުރެންދޫ މޮޅުވެއްޖެނަމަ، ދެވަނަ ބުރަށް ދާނީ އެ ޓީމެވެ. ދެވަނަ ބުރުގެ ޖާގަ ކުރެންދުއަށް ޔަގީން ކުރެވެން އޮތް ގޮތަކީ މެޗުން މޮޅުވުމެވެ. މެޗު އެއްވަރުވެއްޖެ ނަމަވެސް ހުރާ ދެވަނަ ބުރަށް ދާނެ އެވެ.
