ޕޯސްޓް މެދުވެރިކޮށް މި ޑްރަގު އެތެރެކޮށްފައިވަނީ ދޫނިދޫ ކަސްޓޯޑިއަލްގައި ބަންދުކޮށްފައި ހުރި ގައިދީއެއްގެ ނަމުގައެވެ.
އޭނާގެ ނަމުގައި އައި ޕެކޭޖް ބަލާ ދިޔަ މީހާ ވަނީ ހައްޔަރުކޮށްފައެވެ. މި ޕެކޭޖުން 980 ގުރާމުގެ މަސްތުވާތަކެތި ފެނިފައިވާކަމަށް ފުލުހުން ވަނީ ބުނެފައެވެ.
މި ޕެކޭޖް ބަލާ ގޮސް ހުއްޓާ ހައްޔަރުކުރީ އުމުރުން 40 އަހަރުގެ ދިވެހި ފިރިހެނެކެވެ. އެމީހަކީވެސް މަސްތުވާތަކެތީގެ ކުށުގެ ރިކޯޑް އޮތް މީހެއްކަމަށް އޭނާގެ ބަންދުގެ އަމުރުގައިވެއެވެ.
މި މައްސަލާގައި މީނާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުން ކްރިމިނަލްކޯޓުން ވަނީ އޭނާގެ ބަންދަށް 20 ދުވަސް ޖަހާދީފައެވެ.
މީނާގެ އާއި ދެކޮޅަށް ހެކީގެ ގޮތުގައި ސީނަށް ދިޔަ ފުލުހެއްގެ ބަޔާނާއި، މަސްތުވާތަކެތީގެ ތަހުލީލު ރިޕޯޓުގެ އިތުރުން އެ މީހާގެ ކުޑަކަމުދާތަކެތީގެ ރިޕޯޓު ފުލުހުން ވަނީ ހުށައަޅާފައެވެ.
