މި ޕްލޭންތައް ހުށަހަޅަންޖެހެނީ ބަނޑޭރި ޕޯޓަލް މެދުވެރިކޮށެވެ. ފިނޭންސް މިނިސްޓްރީން އިއްޔެ ނެރުނު ސާކިއުލާގައި ބުނެފައިވާ ގޮތުން، މި ޕްލޭންތައް މިނިސްޓްރީގެ ވެބްސައިޓުގައި އާންމުކޮށް ފެންނާނެހެން ޝާއިއުކުރާނެއެވެ. އަދި ލޯކަލް ކައުންސިލްތަކުގެ ޕްރޮކިއުމަންޓް ޕްލޭންތައް ހުށަހެޅުމަށް ޖެނުއަރީ 26 ގެ ނިޔަލަށް ވަނީ މުއްދަތު ދީފައެވެ.
މާލިއްޔަތު ގަވާއިދުގެ ދަށުން ދައުލަތުގެ ބަޖެޓުން ހިންގާ ހުރިހާ ތަނަކުން މި ޕްލޭންތައް ތައްޔާރުކުރަން ޖެހެއެވެ. މިކަމަށް އެހީތެރިވުމުގެ ގޮތުން ޕްރޮކިއުމަންޓް ޕްލޭން މޮޑިއުލް ބޭނުންކުރާނެ ގޮތުގެ އިރުޝާދުތައް ހިމެނޭ ޔޫސާ ގައިޑްލައިނެއް ވެސް މިނިސްޓްރީން ވަނީ އާންމުކޮށްފައެވެ.
މި ނިންމުން މިހާރު އަންގާފައި މިވަނީ ކޮރަޕްޝަނުގެ ބައެއް މައްސަލަތައް ފެންމަތިވެފައިވާ ދަނޑިވަޅެއްގައެވެ. އަދި މިނިސްޓްރީގެ ހުއްދަ ނެތި ލޯނު ނުނެގުމަށް ސަރުކާރު ހިއްސާވާ ކުންފުނިތަކަށް ވެސް މި ހަފުތާގައި އަންގާފައިވެއެވެ.
- ދައުލަތުގެ އޮފީސްތަކުން ޕްރޮކިއުމަންޓް ޕްލޭންތައް ޖެނުއަރީ 16 ގެ ކުރިން ހުށަހަޅަންޖެހޭ
- ކައުންސިލްތަކުގެ ސުންގަޑިއަކީ ޖެނުއަރީ 26
- ޕްލޭންތައް ހުށަހަޅަންޖެހެނީ ބަނޑޭރި ޕޯޓަލް މެދުވެރިކޮށް
- ޕްރޮކިއުމަންޓް ޕްލޭންތައް މިނިސްޓްރީގެ ވެބްސައިޓުގައި އާންމުކުރާނެ
- ޔޫސާ ގައިޑްލައިނެއް މިނިސްޓްރީން ވަނީ އާންމުކޮށްފަ
