ދައުލަތުގެ ބަޖެޓުން 45.1 މިލިއަން ރުފިޔާ ހަރަދުކޮށްގެން އދ. ކުނބުރުދޫގައި ފެނުގެ ނިޒާމު ގާއިމުކުރުމުގެ މަސައްކަތް ފެށީ 2022 ވަނަ އަހަރުގެ ފެބްރުއަރީ މަހުއެވެ.
އެރަށުގައި ގާއިމުކުރި ފެނުގެ ނިޒާމުގެ މަސައްކަތް ނިންމާ ހިދުމަތް ދިނުމަށް ތައްޔާރުވެފައިވާކަމަށް އެމްޑަބްލިޔުއެސްސީން ވަނީ ބުނެއެވެ. އެ ކުންފުނީގެ މެނޭޖިން ޑިރެކްޓަރު އަބްދުލް މަތީން މުހައްމަދު އެކްސްގައި ކުރެއްވި ޕޯސްޓެއްގައި ވިދާޅުވީ، ކުނބުރުދޫ ފެނުގެ ގިނަ ބައެއްގެ މިންނެތް މަސައްކަތުންކަމަށެވެ.
އދ. ކުނބުރުދޫ ފެނުގެ ނިޒާމުން ނިންމާފައި
މި މަޝްރޫއުގައި އެރަށުގައި 2.75 ކިލޯމީޓަރުގެ ފެން ހޮޅީގެ މައި ނެޓްވޯކެއް ވަނީ އަޅާފައެވެ. އަދި އާރުއޯ ފެސިލިޓީ ބިލްޑިން އިމާރާތް ކުރުމާއި ފެން އުފެއްދުމަށްޓަކައި ދެ އާރުއޯ ޕްލާންޓް ވަނީ ބަހައްޓާފައެވެ. މީގެ އިތުރުން، ފެން ރައްކާ ކުރުމަށްޓަކައި ތިން ތާނގީވެސް ވަނީ ބަހައްޓަފައެވެ. މި މަޝްރޫއުގެ ދަށުން އެރަށުގެ ގޭގޭގައި ފެންމީޓަރު ބަހައްޓައި ފެނުގެ ކަނެކްޝަން ވެސް ވަނީ ގުޅާދީފައެވެ.
