ޝާހުރުކް ބުނީ ކައިވެނީގައި އެއްވެސް މައްސަލައެއް ނުޖެހޭނެ ކަމަށް ވާނީ ދެމަފިރިން ރަހުމަތްތެރިންގެ ގޮތުގައި ދެމިތިބޭ ނަމަ ކަމަށެވެ. އަދި މައްސަލައެއް ޖެހިއްޖެ ނަމަ އޭނާ އަކީ "ލަވް ގުރޫ" އަކަށް ވާތީ އެ މައްސަލަ ހައްލުކޮށްދޭނެ ކަމަށްވެސް ބުންޏެވެ.
އެ ހަފްލާގައި ޝާހުރުކް ކާން ބައިވެރިވީ ކަޅު ކުލައިގެ ހެދުމެއްގައެވެ. އަދި އޭނާގެ ހެޔާ ސްޓައިލް ފެނުމުން ގިނަ ބަޔަކު ވަނީ ތައުރީފުކޮށްފައެވެ. އެ ހަފްލާގައި ބޮލީވުޑްގެ އެހެން ތަރިންގެ ތެރެއިން ކަރަން ޖޯހަރު، ގައުހަރު ކާން، ސާރާ އަލީ ކާން އަދި ކާތިކް އާރިއަން ބައިވެރިވިއެވެ.
މަސައްކަތުގެ ދާއިރާއިން ޝާހުރުކް ކާން މިހާރު ވަނީ ސުޖޮއި ގޯޝްގެ "ކިންގް" ފިލްމުގައި މަސައްކަތް ފަށާފައެވެ. މި ފިލްމުގައި އޭނާގެ ދަރިފުޅު ސުހާނާ ކާންވެސް ބައިވެރިވާނެއެވެ. އަދި އަބިޝެކް ބައްޗަން ވެސް މި ފިލްމުގައި މުހިންމު ދައުރެއް އަދާކުރާނެއެވެ.
