ރައީސް ޑރ.މުއިއްޒު މިހެން ވިދާޅުވީ މިއަދު ކ.ގާފަރަށް ވަޑައިގެން އެރަށު ރައްޔިތުންނާ ބައްދަލު ކުރައްވާ ވާހަކަ ދައްކަވަމުންނެވވެ.
ރައީސް ވަނީ ތެޔޮ ލިބުމުގައި ދަތިތަކެއް ހުރި ކަމަަށް ފާހަގކުރައްވާ މިދިޔަ ނޮވެމްބަރު މަހުގެ ކުރީކޮޅު އެކަމުގެ ހައްލަށް ޕްރޮގްރާމެއް އިއުލާންކޮށްފައި ވާނެކަން ފާހަގކުރައްވާފަ އެވެ. އެއީ އެސްޓީއޯ ރޭޓްގައި ތެޔޮ ލިބޭނެ އިންތިޒާމް އަތޮޅުތެރޭ ކޮންމެސް އެއްތަނެއްގައި، ކޮންމެ އަތޮޅެއްގައިވެސް ގާއިމް ކުރުމުގެ ވައުދު ފުއްދުމުގެ ޕްރޮގްރާމް ކަމަށް ފާހަގކޮށް އެއީ ވެސް ރިޔާސީ ވައުދެއް ކަމަށް އެމަނކުފާޏު ވިދާޅުވި އެވެ.
އެހެންނަމަވެސް އެ ވައުދަކީ އެދުވަހު އިއުލާންކުރިގޮތަށް މިއަންނަ އަހަރު ތެރެއަށް ބަހާލެވިގެން ކޮންމެ މަހަކުވެސް ކޮންމެސް އަތޮޅެއްގައި އެސްޓީއޯގެ ސްޓޭޝަން ހެދުމަށްފަހު އެތަނުން ހިދުމަތްދޭން ފެށޭނެ ގޮތަށް އިންތިޒާމްކޮށްފައިވާ ކަމެއް ކަަމަށް މުއިއްޒު ވިދާޅުވިއެވެ. އަދި އެގޮތަށް ގޮސް 2025 ނިމޭއިރުގައި މުޅި ރާއްޖޭގައި ވައުދުވިގޮތަށް ކޮންމެ އަތޮޅެއްގައި އެސްޓީއޯ ރޭޓްގައި އޭރުން ތެޔޮ ލިބޭނެ ކަމަށް ރައީސް ވިދާޅުވި އެވެ.
އެއާ އެކީގައިވެސް އިތުރު މަސައްކަތްތަކެއް ސަރުކާރުން އައީ ކުރަމުން ކަމަށާއި އެގޮތުން މާދަމަިއން ފެށިގެން އެސްޓީއޯ ނުވަތަ އެފްއެސްއެމްގެ ސައިޓްތަކުން، އެސްޓީއޯރޭޓްގައި 4 ބަނދަރަަކަށް ތެޔޮ ލިބޭނެ ކަމަށް ރައީސް ވިދާޅުވި އެވެ.
އޭގެ އިތުރުން ރައީސް ވިދާޅުވީ މިދިޔަ 14 ދުވަހު މަސްވެރިން،އޮޑިވެރިން ނަށް ދައްކަން ހުރި 38 މިލިއަން ރުފިޔާ ޕެންޑިންގައި ހުރި ކަމަށާއި އެ 38 މިލިއަން ރުފިޔާ މިއަދު މިއަދު ވަނީ ދައްކާ ނިންމާފައި ކަމަށެވެ. އެގޮތުން އެއީ ބީއެމްއެލް އެކައުންޓް ހުރި 196 ފަރާތަކަށް 32.4 މިލއަން ރުފިޔާ އަދި އެމްއައިބީގެ އެކައުންޓް ހުރި 20 އޮޑިވެރިއަކަށް 5.6 މިިލިއަން ރުފިޔާ ކަމަށް ރައީސް ހާމަކުރެއްވި އެވެ.
އިއްޔެގެ ވަގުތެއްގައި ވާނީ ވަރަށް މުހިސްމު އެއްބަސްވުމެއް ހަދާފައި ކަމަށާއި އެގޮތުން އެއީ ފިނޭންސް މިނިސްޓްރީ އާއި،މިފްކޯ އަދި ބޭންކް އޮފް މޯލްޑީވްސް،3 ބައި މީހުންގެ އެގްރީމަންޓްއެއްގައި ސޮއި ކުރެވިފައި ވުން ކަމަށް ރައީސް ފާހަގކުރެއްވި އެވެ.
އެހެންކަމަށް ވުޟާއެކު މާދަމއިން ފެށިގެން މަސްވެރިންނަށް ވީ ވައުދު އެމަނިކުފާނު ފުއްދަމުން ދާނަން ކަމަށާއި އެމްއައިބީ އެކައުންޓް ހުރި ފަރާތްތަކަށްވެސް އިތުރު ގޮތްތަކެއް ހޯދައިދެއްވާޏެ ކަމުގެ ޔަގީންކަން ރައީސް ދެއްވި އެވެ.
