ދައުލަތުގެ މީޑިއާ އާ ވާހަަކަދައްކަމުން ޝިޔާމް ވިދާޅުވީ ރައީސް ޑރ.މުހައްމަދު މުއިއްޒުގެ ވިސްނުން ފުޅާއެކު މަސް ޕްރޮސެސިން ކެޕޭސިޓީ އިތުރުކުރުމަށް ރާވާފައި ހުރި މަސައްކަތްތައް މިހާރު ހުރީ ފެށޭ ހިސާބުގައި ކަމަށެވެ. އެގޮތުން 3 ސަރަހައްދެއްގަިއ ޕްރޮސެސިން ކެޕޭސިޓީ އިތުރުވެގެން ދާއިރު 35 ޓަނު އިތުރު ކުރާނީ 300 ޓަނަށް ކަަމަަށް މިނިސްޓަރު ވިދާޅުވި އެވެ.
ޕްރޮސެސިން ކެޕޭސިޓީ 300 ޓަނަށް އިތުރުވުމުން ރާއްޖޭގަިއ ބާނާ ގާތްގަނޑަކަސް 90 އިންސައްތަ އަށް ވުރެއް ގިނަ އަދެއްގެ މަސް ޕްރޮސެސް ކުރެވިގެން ބޭރުގެ ބާޒާރުތަކަށް ބޭރުކުރެވޭނެކަަމަށް މިނިސްޓަރު ވިދާޅުވިއެވެ. އަދި އެހެން ކަމަށް ވެއްޖެކަމަށް ވާނަަމަ ރާއްޖޭގެ މަހަށް މިލިބޭ އަގަށްވުރެ ބޮޑުތަނުން އަގު ލިބި މަސްވެރިންގެ ޖީބަށް ތަނަވަސްކަން އިތުރު ވެެގެން ދާނެ ކަމުގެ ޔަގީން ކަން މިނިސްޓަރު ޝިޔާމް ދެއްވި އެވެ.
ޝިޔާމް އިތުރަށް ވިދާޅުވީ ރަނގަޅު އަގެއް ދިނުމަށް އެންމެ މުހިއްމު ދައުރެއް އަދާކުރަނީ ހަގީގަތުގައި މިހާރު މަސްވެރިންނަށް ހިދުމަތްދޭން ހުރި ވަސީލަތްތަކުގެ ކެޕޭސިޓީ އިތުރު ކޮށްގެން ކަމަށެވެ.
ސްޓޯރޭޖް ކެޕޭސިޓީ ދެ ގުނަ ކުރައްވާނެ ކަމުގެ ރައީސްގެ ވައުދުފުޅަށް އަލިއަޅުއްވާލަމުން ޝިޔާމް ވިދާޅުވީ އެހެންނަމަ ވެސް އެކަމަށް މަސައްކަތްތައް ކުރުމުން އެނެގެނީ ސްޓޯރޭޖް ކެޕޭސިޓީ ތިން ގުނަ އިތުރު ކުރަން ޖެހޭ ކަަމަށެވެ.
މަސްފިނި ކުރެވޭނެ ނިޒާމްވެސް ގާއިމްކުރުމަށްޓަަކައިވެސް ރައީސް ހުޅުވާލެއްވީ އޮޑިވެރިންނަށް ވަރަށް ފަހި ފުރުސަތެއް ކަަމަށާއި އެއާއެކު ގާތްގަނޑަކަށް 115 ވަރަަކަށް އޮޑީގައި އާރްއެސްޑަބްލިއު ސިސްޓަމް ހަރުކުރެވިގެން ދާނެ ކަމަށް ޝިޔާމް ފާހަގަކުރެއްވިއެވެ. އެހެންކަމުން މަހަށް ތާޒާ ކަން ލިބި އެމަހުގެ ކޮލިޓީ އާއެކީގަިއ މަސްވެރިންނަށް އޭގެ މަންފާ ރައީސް އެ ގެނެސްދެނީ މުޅި ސިނާއަަތަށް ޖުމްލަ ހައްލެއް ކަމަށް ޝިޔާމް ވިދާޅުވި އެވެ. ރައީސް އެ އެގެންނަވަނީ ވަގުތީ ހައްލެއް ނޫން ކަަމަށާއި މަސްވެރިކަމުގެ ސިނާއަތުގައި ޒަމާންތަަކަކަށް ހުރި މައްސަލަތައް އެއްކޮށް ހައްލު ކޮށްދެނީ ކަމަށް ޝިޔާމް ވިދާޅުވި އެވެ.
