ގުޖުރާތު ޔުނިވަސިޓީގެ ފޮރެންސިކް ސައިންސް ދާއިރާގެ ޕްރޮފެސަރެއް މިއަދު ހެކިބަސް ދެމުން ބުނީ މޭރީގެ ލޭގެ ސާމްޕަލުން ލީތަލް އިންޖެކްޝަނެއް ކަމަށްވާ ސަކްސިނައިލްކޮލިންގެ އަސަރު އާދަޔާ ހިލާފަށް މަތިން ފެނިފައިވާ ކަމަށެވެ. އެ މިންވަރަށް އެ މާއްދާ ފެންނާނީ އެ އިންޖެކްޝަން މީހަކަށް ދިނުމުން ކަމަށް އޭނާ ވިދާޅުވި އެވެ.
މި މައްސަލައިގައި ދައުވާ ލިބިފައިވާ އައިޖީއެމްއެޗްގެ ނަރުހެއް ކަމަށްވާ ހަލީމަތު ލަމްހާގެ ކޮޓަރިން ފެނުނު ސިރިންޖުތަކުން ސަކްސިނައިލްކޮލިންގެ އަސަރު ފެނިފައި ނުވާ ކަމަށް ޕްރޮފެސަރު ވިދާޅުވި އެވެ. ނަމަވެސް އެ ކޮޓަރިން ހޮސްޕިޓަލްތަކުގައި ނޫނީ ގެންގުޅުން މަނާ އެތައް އިންޖެކްޝަނެއް ފެނިފައިވެ އެވެ.
މި މައްސަލައިގައި މޭރީގެ ފިރިމީހާ މާވިން ވާގަސް އާއި ލަމްހާގެ މައްޗަށް ދައުލަތުން ދައުވާ ކޮށްފައިވާއިރު، ދެ މީހުން ވެސް ވަނީ ދައުވާތަކަށް އިންކާރުކޮށްފަ އެވެ. ދައުލަތުން ބުނާ ގޮތުގައި މޭރީ މަރުވެފައިވަނީ ދަންޖެހިގެން ނޫން ކަމަށާއި އެއީ ގަސްތުގައި ދިން ހަމަލާއަކުން ކަމަށެވެ.
- މޭރީގެ ލޭގެ ސާމްޕަލުން ސަކްސިނައިލްކޮލިންގެ އަސަރު މަތިން ފެނުނު
- ލަމްހާގެ ކޮޓަރިން ފެނުނު ސިރިންޖުތަކުން އެ މާއްދާގެ އަސަރު ނުފެނުނު
- މައްސަލައިގައި މާވިން އާއި ލަމްހާގެ މައްޗަށް ދައުވާ އުފުލާފައިވޭ
- ދައުލަތުން ބުނާ ގޮތުގައި މޭރީ މަރުވީ ގަސްތުގައި ދިން ހަމަލާއަކުން
- ހެކިބަސް ދިނީ 22 އަހަރުގެ ތަޖުރިބާ ހުރި ފޮރެންސިކް ސައިންސްގެ ޕްރޮފެސަރެއް
