ބްރިޖުގެ ހައިވޭ ބަންދުވެފައި: ފައިލް ފޮޓޯ
ޓެކްސީ ޑްރައިވަރުންގެ މުޒާހަރާއާއި ގުޅިގެން ހައިވޭ ބަންދުވެއްޖެ
ގުފްތަގް އަޖީރު
11 ޑިސެމްބަރ 2024 - 22:16:30
ޓެކްސީ ޑްރައިވަރުން ކުރަމުންދާ މުޒާހަރާއާ ގުޅިގެން ހުޅުމާލެ ފަޅިން ބްރިޖަށް އަރާ ހަލިމަގު (ހައިވޭ) މިވަގުތު ވަނީ ވެފައެވެ.
Advertisement
ހައިވޭ ބަންދުކޮށްފައި ވަނީ ޓެކްސީތައް ބޭނުންކޮށްގެންނެވެ. އެ ސަރަހައްދުގައި މިވަގުތު 30 ޓެކްސީ އެބައޮތެވެ. އަދި އެ ސަރަހައްދުން ހަމައެކަނި ދަތުރުކުރެވެނީ ސައިކަލުތަކަށެވެ.
ފުލުހުން މިހާރު ދަނީ އެ ސަރަހައްދުގައި ހަރަކާތްތެރިވަމުންނެވެ. އަދި ޓެކްސީތައް ޓޯކުރުމަށް ވެހިކަލްތައް ވެސް އެ ސަރަހައްދަށް ގެނެސްފައިވާ ކަމަށް މައުލޫމާތު ލިބެއެވެ.
އެ ސަރަހައްދުގައި ހުރި މީހަކު ބުނި ގޮތުގައި މިހާރު ވަނީ މަގު އެއްކޮށް ސާފުކޮށް، އެމްޑަބްލިއުއެސްސީ ގޯޅި ތެރެއަށް ޓެކްސީތައް ވައްދާފައެވެ. މީގެ ކުރިން މިއަދު ހަވީރުވެސް ޓެކްސީ ޑްރައިވަރުން ވަނީ ހުޅުމާލޭގައި އިހުތިޖާޖުކޮށްފައެވެ.
މި މުޒާހަރާއާއި ގުޅިގެން ދެ މީހަކު ވަނީ ހައްޔަރުވެސް ކޮށްފައެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
