ކުނި އުކުމުގެ މަސައްކަތް ކުރަމުން އަންނަ ވެމްކޯއިން މިހާރު ވަނީ އޮފީސް އިމާރާތް ފޮޅާ ސާފުކޮށްދިނުމުގެ މަސައްކަތްވެދސް ކުރަމުންނެވެ.
އެ ކުންފުނީ ބާވެ ވައްޓާލަންޖެހޭ އިމާރާތްތައް ތަޅައިދިނުމުގެ މަސައްކަތް ފަށަން އެ ކުންފުނިން ނިންމާފައިވާކަމަސެވެ. އެގޮތުން އަންނަ އަހަރުގެ ކުރީކޮޅު މި މަސައްކަތް ފެށުމަށް ތައްޔާރުވަމުން އަންނަކަމަށް ވެމްކޯއިން ބުނެއެވެ.
އެ ކުންފުނިން ބުނީ އިމާރާތްތައް ތަޅައިދިނުމުގެ ހިދުމަތް ފުރަތަމަ ފަށާނީ މާލެ ސަރަހައްދަށް ކަމަށެވެ.
މި މަސައްކަތް ފެށުމަށް ކަމާއި ގުޅޭ އިދާރާތަކާއި އެކު މަޝްވަރާކުރަމުން އަންނަކަމަށް ވެމްކޯއިން ބުނެއެވެ. އަދި މި ހިދުމަތް ދޭނެ އަގުތައް ކަނޑައަޅާ އާއްމުކުރާނީ މި މަޝްވަރާތަކަށް ފަހުކަމަށް އެކުންފުނިން ބުނެއެވެ.
މި ހިދުމަތް ދޭން ފަށާނީ އެކުންފުނީގެ މުވައްޒަފުން ބޭނުންކޮށްގެންކަށާއި ހިދުމަތް ފެށުމަށް ފަހު އިތުރު މުވައްޒަފުން ބޭނުންވާނަމަ އެ މުވައްޒަފުން ހޯދާނެކަމަށް ވެމްކޯއިން ބުނެއެވެ.
ވެމްކޯއިން މިހާރުވެސް އަންނަނީ މާލޭ ސަރަހައްދުގައި ތަޅާލައި އިމާރާތްތަކުގެ ގާކުނޑިތައް އުކާދިނުމުގެ މަސައްކަތް ކުރަމުންމެވެ.
ކުނި އުކާލުމަށް 2017 ގައި އުފެއްދި ވެމްކޯއިން މިހާރު ވަނީ މި ހިދުމަތް ރާއްޖޭގެ ވަރަށް ގިނަ ރަށްތަކުގައި އަންނަނީ ދެމުންމެވެ. ވެމްކޯއިން ދޭ ފޮޅާ ސާފުކުރުމުގެ ހިދުމަތް ސަރުކާރުން ގިނަ އިދާރާތަކުން މިހާރު އަންނަނީ ހޯދަމުންނެވެ.
