ކ. ގުރައިދޫ: ގުރައިދޫގައި ރޭ ދަންވަރު ނިޔާވި އުމުރުން އެންމެ ހަތަރު މަހުގެ ތުއްތު ކުއްޖެއްގެ މަރުގައި ޝައްކުކުުރެވޭ ކަންތައްތަކެއް -- ފޮޓޯ: އަހުމަދު އައިހަމް/ ދި އެޑިޝަން
4 މަހުގެ ކުއްޖެއްގެ މަރުގައި ޝައްކުތަކެއް، އޮޓޮޕްސީ ހަދަން ބޭރަށް
އަލީ މިދުހަތު
14 ޑިސެމްބަރ 2024 - 19:22:20
ކ. ގުރައިދޫ ގައި ތުއްތު ކުއްޖަކު މަރުވި މައްސަލައެއް ފުލުހުން ތަހުގީގު ކުރަން ފަށައިފި އެވެ.
Advertisement
ހަތަރު މަހުގެ އެ ކުއްޖާ މަރުވެފައި އޮތް އިރު ނޭފަތުން ލޭ އައިސްފައި ހުރި ކަމަށް އެނގިފައިވެ އެވެ.
ޝައްކު އުފެދޭ ކަންތައްތަކެއް ހުރުމުން މައްސަލަ ރިޕޯޓްކުރުމުން މިހާރު ވަނީ ހަށިގަނޑު މާލެ ގެނެސްފަ އެވެ. އަދި މިހާރު ހަށިގަނޑު އޮތީ ގަލޮޅު މޯޗަރީގަ އެވެ.
މި މައްސަަލައާ ގުޅިގެން ފުލުހުންގެ ބުނީ އެ މައްސަަލަ މިއަދު ފުލުހުންނަށް ރިޕޯޓުކޮށްފައިވާ ކަމަށާއި، ކުއްޖާގެ ހަށިގަނޑުގެ އޮޓޮޕްސީ ހަދަން ރާއްޖެއިން ބޭރަށް ފޮނުވަން ނިންމައިފައިވާ ކަމަށެވެ.
އަދި މައްސަލަ ތަހުގީގު ކުރަމުން އަންނަކަމަށް ވެސް ފުލުހުން ބުންޏެވެ.
13%
ކަމުގޮސްފި
0%
އަޑުއެހިތާ މިހުރީ
75%
ސަތޭކައަކުން ސުމެއް
13%
ވަރަށް ސަލާމް
ކޮމެންޓްސް
