މި ފުރުސަތު ހުޅުވައިލީ މި މަހުގެ 31 ވަނަ ދުވަހުގެ މެންދުރު 12:00 އާ ހަމައަށެވެ.
ރައީސް އޮފީހުން ބުނީ އޭސީސީގެ މެންބަރުކަމަށް ކުރިމަތިލުމަށް އެދޭ ފޯމު ބަލައިގަންނާނީ ރަސްމީ ބަންދު ދުވަސްތައް ފިޔަވައި އެހެން ދުވަސްތަކުގައި ހެނދުނު 8:30 އިން މެންދުރު 12:00 އާ ހަމައަށް ކަމަށެވެ. އަދި ފޯމު ރައީސް އޮފީހުގެ ރިސެޕްޝަނުންނާއި އޮފީހުގެ ވެބްސައިޓުން ލިބެން ހުންނާނެ ކަމަށް ވެސް އެ އޮފީހުން ބުންޏެވެ.
އޭސީސީގެ މެންބަރުކަމަށް މި ފުރުސަތު ހުޅުވައިލީ އެ ކޮމިޝަންގެ ނައިބު ރައީސް އަބްދުއްސަލާމާއި މެންބަރު ތޯހާ މުހައްމަދު އިސްތިއުފާ ދިނުމާ ގުޅިގެންނެވެ. މި ދެ މެންބަރުން އިސްތިއުފާ ދެއްވީ މިދިޔަ ނޮވެންބަރު މަހު މިނިވަން މުއައްސަސާތަކާ ބެހޭ ކޮމިޓީން އެ ދެ ބޭފުޅުން މަގާމުން ދުރުކުރަން ފާސްކުރުމަށް ފަހުގައެވެ.
މި ދެ މެންބަރުންގެ މައްޗަށް ކުރެވުނު ތުހުމަތުތަކުގެ ތެރޭގައި މަގާމުގެ މަސްއޫލިއްޔަތު އަދާނުކުރުމާއި، ގަވާއިދާ ހިލާފު އެތައް ކަމެއް ކުރުމާއި، މުވައްޒަފުންނާ މެދު ގޯސްކޮށް އަމަލުކުރުން ހިމެނެއެވެ.
- އޭސީސީގެ ހުސްވެފައިވާ ދެ މަގާމަށް ކުރިމަތިލެވޭނީ 31 ވަނަ ދުވަހުގެ މެންދުރު 12:00 އާ ހަމައަށް
- ފޯމު ބަލައިގަންނާނީ ރަސްމީ ބަންދު ނޫން ދުވަސްތަކުގައި ހެނދުނު 8:30 އިން މެންދުރު 12:00 އަށް
- މަގާމުތައް ހުސްވީ ކުރީގެ ނައިބު ރައީސް އަބްދުއްސަލާމާއި މެންބަރު ތޯހާ މުހައްމަދު އިސްތިއުފާ ދިނުމުން
- މި ދެ މެންބަރުން އިސްތިއުފާ ދެއްވީ މަޖިލީހުގެ ކޮމިޓީން މަގާމުން ދުރުކުރަން ފާސްކުރުމަށް ފަހު
