ވެމްކޯއިން މާލޭ ސަރަހައްދުގައި ކުނި އުކާދިނުމުގެ ބިލް ކުރަމުން އަންނަނީ ކަރަންޓް ބިލާއި އެއްކޮށްލައިގެންނެވެ.
ވެމްކޯއިން ބުނީ އަންނަ އަހަރުން ފެށިގެން ރަށްރަށުގައިވެސް ކުނި އުކާލުމަށް ބިލްކުރާނީ ކަރަންޓުބިލާ އެއްކޮށް ކަމަށެވެ. ވެމްކޯއިން ބުނީ ގިނަ ދުވަހަށް ރަށުން ބޭރަށް ދާނަމަ އެ ފަދަ ހާލަތްތަކުގައި، ކަރަންޓު ބިލަށް 34 ޔުނިޓު ނާރާނަމަ، އެމަހަކު އެގެއަކަށް ބިލެއް ނުކުރާނެކަަމަށެެ.
އަންނަ އަހަރުން ފެށިގެން ވެމްކޯއިން އަތޮޅު ތެރޭގެ ސަރަހައްދުތަކުގައިކުނި ނެގުމުގެ ހިދުމަތްދޭ އުސޫލަށް ބަދަލުތަކެއް ގެނައުމަށް ވަނީ ނިންމައިފައެވެ. މި ބަދަލުގައިވާ ގޮތުން ވިޔަފާރިތަކަށް އަގު ނަގަމުންދާނީ ލިޓަރަކަށް 20 ލާރިންކަމަށް އެ ކުންފުނިން ބުނެއެވެ. އެގޮތަށް ފީ ނަގާނީ ހިދުމަތް ބޭނުންކުރާ ދުވަސްތަކަށް އެކަނިކަމަށްވެސް ވެމްކޯއިން ބުނެއެވެ.
ވެމްކޯއިން އެކުންފުނީގެ ވިޔަފާރި ފުޅާކުރުމަށް އާ ހިދުމަތްތައް އަންނަނީ ތައާރަފުކުރަމުންނެވެ. އެގޮތުން އޮފީސް އިމާރާތް ފޮޅާ ސާފުކުރުމުގެ މަސައްކަތް އެ ކުންފުނިން އަންނަނީ ކުރަމުންނެވެ. މީގެއިތުރުން އިމާރާތް ތަޅައިދިނުން ނުވަތަ ޑިމޮލިޝިންގެ ހިދުމަތް ދޭން ނިންމަ އެކަމަށް ތައްޔާރުވަމުން އަންނަކަމަށް އެ ކުންފުނިން ވަނީ ބުނެފައެވެ.
