އަސްލު ޓީވީގެ ޕްރޮގްރާމެއްގައި ވާހަކަފުޅު ދައްކަވަމުން މެންބަރު ހަމީދު ވިދާޅުވީ އިދިކޮޅު މިވަގުތު އޮތީ ވަރަށް ނިކަމެތި ހާލަތެއްގައި ކަމަށާއި، ރިޔާސީ އިންތިހާބު ކައިރިވަމުން އަންނަ ވަރަކަށް އިދިކޮޅަށް ނިދާފައި ނުތިބެވޭނެ ކަމަށެވެ.
މެންބަރު ހަމީދު ވިދާޅުވީ އިދިކޮޅުން މަގުމައްޗަށް ނިކުންނަނީ އެ ފަރާތްތަކުގެ މަސްލަހަތަށް ކަމަށާއި، ގެއްލިފައިވާ މަގުބޫލުކަން ފަނޑުވިޔަ ނުދިނުމަށް ކަމަށެވެ. އަދި ކޮންމެވެސް ގޮތަކުން ރައްޔިތުން ހައްލުވާލުމުގެ ބޭނުމުގައި، ހަގީގަތް ވިޔަސް ނުވިޔަސް، ރައްޔިތުންގެ މަގުމައްޗަށް ނެރެ، އިދިކޮޅު ރޫހު ނެރެން އެބަޖެހޭ ކަމަށް އިދިކޮޅުން ދެކޭ ކަމަށެވެ.
މެންބަރު ހަމީދު އިތުރަށް ވިދާޅުވީ ސަރުކާރު ވެރިކަމާ ހަވާލުވިއިރު ގައުމު އޮތީ ވަރަށް ނާޒުކު ހާލަތެއްގައި ކަމަށާއި، ބޮޑެތި މައްސަލަތަކެއްގެ އަނގަމަތީގައި ކަމަށެވެ. އަދި އެ މައްސަލަތައް ހައްލުކުރުމަށް ސަރުކާރުން ވަނީ ގިނަ މަސައްކަތްތަކެއް ކޮށްފައި ކަމަށެވެ.
