މިފްކޯގެ ސީއީއޯ ޑރ. ވިތާލީ ލުބިމޮފް ބަޔަކަށް މައުލޫމާތު ދެއްވަނީ
މިފްކޯގެ އާ ސީއީއޯ: ވަކި ބަޔަކަށް ފައިދާވާ ގޮތަށް ކަންކަން ނުކުރާނަން
ގުފްތަގް އަޖީރު
19 ޑިސެމްބަރ 2024 - 13:24:23
ކުންފުނީގެ ހިންގުން ހަރުދަނާ ކުރުމަށް މަސައްކަތް ކުރާނެ ކަމަށާއި، ވަކި ބަޔަކަށް ފައިދާވާ ގޮތަށް އެއްވެސް ކަމެއް ނުކުރާނެ ކަމަށް މިފްކޯގެ އާ ސީއީއޯ ޑރ. ވިތާލީ ލުބިމޮފް ވިދާޅުވެއްޖެއެވެ.
Advertisement
ޔޫކްރެއިނަށް ނިސްބަތްވާ ވިތާލީ މިފްކޯގެ ސީއީއޯގެ މަގާމާ ހަވާލުވީ މި މަހުގެ 10 ވަނަ ދުވަހުއެވެ. އޭނާ ވިދާޅުވީ މިފްކޯ ދެމެހެއްޓެނިވި ގޮތެއްގައި ހިންގުމަށް ކުރެވޭނެ ކަންކަން ދެނެގަތުމުގެ މަސައްކަތް މިހާރު ކުރަމުންދާ ކަމަށެވެ.
"ސިޔާސީ ގޮތުން ވެސް އެއްވެސް ނުފޫޒެއް ފޯރުވަން ކުންފުނީގެ މައްޗަށް މަސައްކަތްކޮށް ކުންފުނީގެ ހިންގުމަށް ނުފޫޒު ފޯރުވުމަށް މަސައްކަތް ކުރާނަމަ، އެކަން ހުއްޓުވާނަން. އެކަހަލަ އެއްވެސް ކަމަކަށް ޖާގައެއް ނުލިބޭނެ. އެފަދަ ކަމެއް ކުރާ ފަރާތެއް ނަމަ ހާމަވެސް ކުރާނަން،" ވިތާލީ ވިދާޅުވިއެވެ.
މިފްކޯގެ ހިންގުން ހަރުދަނާ ކުރުމަށް ގެންނަ ބަދަލުތަކުގެ ދަށުން އާ ޖެނެރަލް މެނޭޖަރެއް ވަނީ އައްޔަންކޮށްފައެވެ. އަދި މުވައްޒަފުންގެ ގާބިލުކަން ވަޒަންކުރުމުގެ މަސައްކަތް ވެސް ފަށައިފި އެވެ.
މިފްކޯއިން ބުނީ އެ ކުންފުނީގައި މަސައްކަތްކުރާ މުވައްޒަފުންނަކީ ދެމެހެއްޓެނިވި މަސްވެރިކަމުގެ ސިނާއަތެއް ގާއިމްކުރުމަށް ޒިންމާދާރުކަމާއެކު މަސައްކަތްކުރާ މުވައްޒަފުންނަށް ހެދުމަށް މަސައްކަތް ކުރަމުންދާ ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
