ads
މިދިޔަ ބުރާސްފަތި ދުވަހު ފުލުހުން ބޭއްވި ނޫސްވެރިންގެ ބައްދަލުވުމުގައި ސުޕްރިންޓެންޑެންޓް އޮފް ޕޮލިސް ރަޖުނީ ޝުއައިބު. - ފޮޓޯ/ ދައުރު
ރަޖުނީއަށް ކުރެވޭ ތުހުމަތުތައް އަންނަނީ ބަލަމުން: ފުލުހުން
އިކޮނޮމިކް ކްރައިމް ޑިޕާޓްމެންޓްގެ ހެޑް ސުޕްރިންޓެންޑެންޓު އޮފް ޕޮލިސް ރަޖުނީ ޝުއައިބު ވިނަރެސް ފްލެޓް ހޯދި ގޮތާ މެދު ސޯޝަލް މީޑިއާގައި ފެތުރިފައިވާ ވާހަކަތައް ފުލުހުންގެ އިދާރާއިން ސާފުކުރަމުންދާ ކަމަށް އެ އިދާރާއިން ބުނެފި އެވެ.
Advertisement

ވިނަރެސް ޓަވަރުތަކުގެ އެޕާޓްމަންޓެއް ހޯދިގޮތާމެދު ޝުޢައިބުގެ މައްޗަށް ކުރެވޭ ތުހުމަތުތަކެއް ސޯޝަލް މީޑިޔާގައި ދަނީ ދައުރުވަމުންނެވެ. ސޯޝަލް މީޑިއާގައި އާންމުވެފައިވާ ވިނަރެސް ފްލެޓް ލިބުނު މީހުންގެ ލިސްޓްގައި ރަޖުނީގެ ނަން ވެސް އެބަ އޮތެވެ.

ސޯޝަލް މީޑިޔާގައި ހިއްސާކުރެއްވި ޕޯސްޓެއްގައި އެސިސްޓެންޓް ކޮމިޝަނަރ އޮފް ޕޮލިސް އަދި ފުލުހުންގެ ތަރުޖަމާނު އަހުމަދު ޝިފާން ވިދާޅުވީ ސުޕްރިންޓެންޑެންޑް އޮފް ޕޮލިސް ރަޖުނީ ޝުއައިބާ ގުޅޭގޮތުން އާންމުކުރަމުންދާ ތުހުމަތުތަކާއި ގުޅިގެން ދިވެހި ފުލުހުންގެ ހިދުމަތުން ބަލަންޖެހޭ ކަންކަން ބަލަމުންދާ ކަމަށެވެ.

ރަޖުނީއާ ގުޅޭ މައްސަލައެއް ބަލަން ފެށިއިރު، ފުލުހުންގެ އިކޮނޮމިކް ކްރައިމް ޑިޕާޓްމަންޓުގެ ވެރިޔަކީ ވެސް އޭނާ އެވެ.

ވިނަރެސް ފްލެޓްތައް ދޫކުރި ގޮތުގައި މައްސަލަތަކެއް އުޅޭކަން ފާހަގަކުރެވެނީ ކުރީ ސަރުކާރު ނިމި، މި ސަރުކާރު އައިއިރު ބާކީ ހުރި ފްލެޓްތައް ދޫކުރި ގޮތުންނެވެ.


ވިނަރެސް މަޝްރޫއުގެ ދަށުން އިމާރާތްކުރި 13 ބުރީގެ 10 ޓަވަރުގައި ހިމެނޭ 1،344 ފްލެޓްގެ ތެރެއިން ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގެ ދައުރު ހަމަވިއިރު ބާކީ ދޫނުކުރެވި ގާތްގަނޑަކަށް 400 ފްލެޓް ހުއްޓެވެ.

މި ސަރުކާރު އައި ފަހުން އެ ފްލެޓްތައް ދޫކުރަން އެޗްޑީސީން އިއުލާނެއް ކުރުމަށް ފަހު އެ ބާތިލްކުރި އެވެ. ބާކީ ހުރި ފްލެޓްތައް ދޫކުރަނީ ސީލައިފުން އަޅަން ބުނި ފްލެޓްތަކަށް ފައިސާ ދައްކައިގެން ގެއްލުންވި މީހުންގެ ތެރެއިން ސަރުކާރާ އެކު އެއްބަސްވުން ހަދާފައިވާ މީހުންނަށް ކަމަށް އެޗްޑީސީން ބުނެފައިވެ އެވެ. ގުޅިފަޅު ފްލެޓް ގެއްލުނު މީހުންގެ ތެރެއިން ފްލެޓް ބޭނުންވާ މީހުންނަށް ވެސް ވިނަރެސް ދޭން ނިންމާފައިވެ އެވެ. 

މައުލޫމާތު އެނގޭ ބައެއް ފަރާތްތަކުންނާއި އެޗްޑީސީގެ އެތެރޭގެ މަސްދަރުތަކުން ބުނާ ގޮތުން ސިޔާސީ ގޮތުން ބާރުގަދަ ފަރާތްތަކާއި އެފަދަ ފަރާތްތަކާ ގުޅުން އޮތް މީހުންނަށް ވިނަރެސްއިން ފްލެޓު ވިއްކި އެވެ. 

ބިންވެރިޔާ ސްކީމުން ނުހައްގުން ގޯތި ދީފައިވާ ކަމަށް ބުނާ މައްސަލައިގެ ޖިނާއީ ތަހުގީގެއް ފުލުހުން ފަށައިފައިވާތީ، ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ)ން ވަނީ ފަޒުލް މަގާމުން ސަސްޕެންޑުކޮށްފައެވެ. އޭނާގެ ބޭބެ އަދި އެމްޑަބްލިޔުއެސްސީގެ ޑީއެމްޑީގެ މުހައްމަދު ފަޒީލް ރަޝީދުގެ ޝަރުތު ހަމަނުވި ނަމަވެސް، ގޯއްޗެއް ދިނުމަށް ހަދައިފައިވާ އެއްބަސްވުމެއް ވަނީ ސޯޝަލް މީޑިއާގައި އާންމުވެފަ އެވެ.

އެހެންވެ، އެ ތަހުގީގުގައި އޭނާ ވެސް ހިމެނޭތީ، އެމްޑަބްލިޔުއެސްސީގެ ބޯޑުން ވަނީ ފަޒީލް ސަސްޕެންޑުކޮށްފަ އެވެ.

މީގެ އިތުރުން ފަޒުލްއާއި ފަޒީލްގެ އިތުރުން ވެސް އެޗްޑީސީއާއި ހައުސިން މިނިސްޓްރީގެ ކުރީގެ މުވައްޒަފުންތަކެއް ހިމެނޭ ގޮތަށް، ޕާސްޕޯޓު ހިފަހައްޓާފައިވެ އެވެ.

އެ މައްސަލައިގެ ތަހުގީގެއް ފެށީ މިދިޔަ ބުދަދުވަހު އެވެ. އަދި ތަހުގީގާ ބެހޭ ގޮތުން ޖެހިގެން އައި ދުވަހު ފުލުހުން ވަނީ ނޫސްވެރިންގެ ބައްދަލުވުމެއް ބާއްވާފަ އެވެ. އެ ބައްދަލުވުމުގައި ރަޖުނީ ވެސް ވަނީ ބައިވެރިވެވަޑައިގެންފަ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް