މިކަން އިއުލާންކުރީ އެސިސްޓެންޓް ކޮމިޝަނަ އޮފް ޕޮލިސް އަހުމަދު ޝިފާން އެވެ.
ސޯޝަލް މީޑިއާގައި ރަޖުނީ އާއި އޭނާގެ އަނބިކަނބަލުންނަށް ވިނަރެސް ފްލެޓް ލިބުނު ކަމަށް ބުނެ ޕޯސްޓްތަކެއް ފެތުރުމާ ގުޅިގެން، ފުލުހުން އެ މައްސަލަ ބަލަމުންދާ ކަމަށް ޝިފާން ބުނެފައިވެ އެވެ.
ޝިފާން ވިދާޅުވީ ރަޖުނީ މަސައްކަތުން އެކަހެރިކުރީ އިކޮނޮމިކް ކްރައިމް އިންވެސްޓިގޭޝަންސްގައި މިވަގުތު ކުރަމުންގެންދާ ބިންވެރިޔާ އަދި ގެދޮރުވެރިޔާ ސްކީމާގުޅޭ ތަހުގީގުގެ އިތުބާރު ހިފެހެއްޓުމަށް ކަމަށެވެ. އަދި އެ ތަހުގީގަށް އެއްވެސް ކަމަކުން ނުރަނގަޅު އަސަރެއް ނުފޯރާނެކަން ޔަގީންކުރުމަށް ކަމަށްވެސް އޭނާ ބުންޏެވެ.
ނަމަވެސް މި ނިންމުމަކީ ރަޖުނީ އާ ގުޅޭގޮތުން ފުލުހުން ޔަގީންކުރަމުންދާ ކަންކަމުގައި، އެއްވެސް ނުރަނގަޅު އަމަލެއް ހިންގާފައިވާކަން މިހާތަނަށް ފާހަގަކުރެވިގެން ނިންމި ނިންމުމެއް ނޫންކަން ޝިފާން ފާހަގަކުރިއެވެ.
- ރަޖުނީ އާއި އޭނާގެ އަނބިކަނބަލުންނަށް ވިނަރެސް ފްލެޓް ލިބުނު ކަމަށް ސޯޝަލް މީޑިއާގައި ތުހުމަތު ކުރެވިފައިވޭ
- ތަހުގީގުގެ އިތުބާރު ހިފެހެއްޓުމަށްޓަކައި ރަޖުނީ މަސައްކަތުން ދުރުކުރި ކަމަށް ފުލުހުން ބުނޭ
