
މޮސްޓާ ހައްޔަރު ކުރަނީ
ކޮރަޕްޝަން އިންތިހާއަށް އިތުރުވެއްޖެ: މޮސްޓާ
ގުފްތަގް އަޖީރު
22 ޑިސެމްބަރ 2024 - 00:14:04
ސަރުކާރުގެ ކޮރަޕްޝަން އިންތިހާއަށް އިތުރުވެފައިވާ ކަމަށް ބުނެ، ރައްޔިތުންގެ މަޖިލީހުގެ ނޮޅިވަރަމް ދާއިރާގެ ކުރީގެ މެންބަރު މުހައްމަދު ނަޝީދު އަބްދުﷲ (މޮސްޓާ) ސަރުކާރަށް ހަރުކަށި އިބާރާތުން ފާޑުކިޔައިފި އެވެ.
ޕީއެންއެފްގެ ޖަގަހަ ޖަލްސާގައި ވާހަކަދައްކަވަމުން މޮސްޓާ ވިދާޅުވީ މި ސަރުކާރުގެ މިނިސްޓަރުންނާއި ސަރުކާރު ކުންފުނިތަކުގެ އެމްޑީންގެ މަގާމުތައް ވިއްކާލާފައިވާ ކަމަށެވެ. އެ މަގާމުތައް ދީފައިވަނީ ރައީސް މުއިއްޒު ވެރިކަމަށް ގެނައުމަށް ކެމްޕެއިން ދަތުރުތަކުގައި އުޅުނު މީހުންނާއި އަރިހުގައި މަސައްކަތްކުރި މީހުންނަށް ކަމަށް އޭނާ ވިދާޅުވި އެވެ.
އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދަށް މަގާމު ދިނީ ވެސް ކުރިން ރައީސް މުއިއްޒުގެ އަރިހުގައި ގާތްކޮށް މަސައްކަތްކުރި ކަމަށް ޓަކައި ކަމަށް މޮސްޓާ ވިދާޅުވި އެވެ. އަދި އެމްޑަބްލިއުއެސްސީގެ ޑެޕިއުޓީ އެމްޑީ ފަޒީލް ރަޝީދަށް ހައްގު ނޫން ގޮތުގައި ހުޅުމާލެއިން ގޯއްޗެއް ހޯދައިދީފައިވާ ކަމަށް ވެސް އޭނާ ވިދާޅުވި އެވެ.
"މި މީހުންނަކަށް ނޭނގޭ ދެން މަގުމަތިވާނީ ކަމެއް މި ފަސް އަހަރަށް ފަހު. އެހެންވީމަ ބާޒު އުސޫލުން ނޮޅާ ކާލަނީ. އިނގޭ ވެރިމީހާވެސް އެއީ އެކަހަލަ މީހެއްކަން. އެހެންވީމަ ކުރީ ޒަމާނު ރަސްކަމެއް ހެން ބިން ފޭރެނީ،" މޮސްޓާ ވިދާޅުވި އެވެ.
- ސަރުކާރުގެ މަތީ މަގާމުތައް ވިއްކާލާފައިވާ ކަމަށް މޮސްޓާ ބުނޭ
- ކެމްޕެއިންގައި އުޅުނު މީހުންނަށް މަގާމުތައް ދީފައިވާ ކަމަށް ބުނި
- އެޗްޑީސީގެ އެމްޑީގެ މަގާމު ދިނީ ރައީސް މުއިއްޒާ ގާތްކަމުގެ ސަބަބުން ކަމަށް ބުނި
- ހުޅުމާލެއިން ހައްގު ނޫން ގޮތުގައި ގޯތި ދޫކޮށްފައިވާ ކަމަށް ތުހުމަތުކުރި
- ސަރުކާރުގެ އިސްވެރިން ބިން ފޭރޭ ބައެއްގެ ގޮތުގައި ސިފަކުރި
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް