އެސްއެސްޓީވީގެ ޕްރޮގްރާމެއްގައި ވާހަކަދައްކަވަމުން މޭޔަރު އާޒިމް ވިދާޅުވީ، ލޯކަލް ގަވަމަންޓް މިނިސްޓަރު އާދަމް ޝަރީފާއި އެލްޖީއޭގެ ސީއީއޯ ނިމާލަށް ގުޅައި އާދޭސްކުރަން ޖެހުނު ކަމަށެވެ. އަދި ރައީސުލްޖުމްހޫރިއްޔާ ޑރ. މުހައްމަދު މުއިއްޒަށާއި ފިނޭންސް މިނިސްޓްރީއަށް ސިޓީ ވެސް ފޮނުވި ކަމަށް ވިދާޅުވި އެވެ.
އަލިފާނުގެ ހާދިސާގައި ކައުންސިލުގެ ލިޔެކިޔުންތައް ވެއްދީ ކައުންސިލުގެ ބެލުމުގެ ދަށުގައި ހުންނަ ތިން ސްކޫލަކަށް ކަމަށާއި، އެއީ ކުދި ހޯލުތަކަކަށް ވުމުން ގިނަ ލިޔެކިޔުންތައް ތަރުތީބުކުރުމަށް ދަތިވާ ކަމަށް މޭޔަރު ވިދާޅުވި އެވެ. އަދި ހުޅުމާލޭގެ އުމަރު ޒާހިރު ބިލްޑިންގްގެ ހުސްކޮށް ހުރި ބައެއް ވަގުތީ ގޮތުން ދިނުމަށް އެދުމުން އެކަމަށް ވެސް އެދެވޭ ޖަވާބެއް ނުލިބުނު ކަމަށް ވިދާޅުވި އެވެ.
މިހާރު ކައުންސިލަށް ތާޖުއްދީން ސްކޫލުގެ ހޯލު ލިބިފައިވާ ކަމަށާއި، އަލިފާނުގެ ހާދިސާގައި ގެއްލުން ލިބުނު ލިޔެކިޔުންތަކުގެ ތެރެއިން 99 ޕަސަންޓް ލިޔެކިޔުން ސަލާމަތްކުރެވޭނެ ކަމުގެ އުންމީދު އޮތް ކަމަށް މޭޔަރު ވިދާޅުވި އެވެ.
