އިމިގްރޭޝަނުން ބުނީ ހޮނިހިރު ދުވަހު ހިންގި މި އޮޕަރޭޝަނުގައި ހިޔާ ފްލެޓުތަކުގައި ހުރި 13 ވިޔަފާރި ތަނެއް ބަލައި ފާސްކުރި އެވެ. އޭގެ ތެރޭގައި އަށް ފިހާރައާއި ކެފޭ، ރެސްޓޯރެންޓް އަދި ބޭކަރީ ހިމެނޭ ހަތަރު ތަނަކާއި އެއް ސެލޫނު ހިމެނެ އެވެ. އަދި ބަލައި ފާސްކުރި ތަންތަނުގެ ތެރެއިން ދެ ތަނެއްގައި ގަވާއިދާ ހިލާފަށް މަސައްކަތްކުރަމުން ދިޔަ ތިން ބިދޭސީން ފެނުނު ކަމަށް އިމިގްރޭޝަނުން ބުންޏެވެ.
ގަވާއިދާ ހިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ދަނީ އެކި އޮޕަރޭޝަންތައް ހިންގަމުންނެވެ. މިހާތަނަށް 5،000 އަށް ވުރެ ގިނަ ބިދޭސީން ވަނީ އެމީހުންގެ އަމިއްލަ ގައުމުތަކަށް ފޮނުވާލާފަ އެވެ.
ސަރުކާރުން މިހާރު ދަނީ މާލެ އާއި ރަށްރަށުގެ އިތުރުން ރިސޯޓުތަކާއި ސިނާއީ ރަށްތަކާއި ދަނޑުވެރިކަން ކުރާ ރަށްތަކުގައި ދިރިއުޅޭ ބިދޭސީންގެ މައުލޫމާތު އެއްކުރަމުންނެވެ. އަދި ތިން އަހަރުގެ ތެރޭގައި ބިދޭސީންގެ މައްސަލައަށް ހައްލެއް ގެނައުމަށް ވަނީ އަމާޒު ހިފާފަ އެވެ.
- ހިޔާ ފްލެޓުތަކުގައި 13 ވިޔަފާރި ތަނެއް ބަލައި ފާސްކުރި
- ގަވާއިދާ ހިލާފަށް މަސައްކަތްކުރި ތިން ބިދޭސީން ހައްޔަރުކުރި
- މިހާތަނަށް 5،000 އަށް ވުރެ ގިނަ ބިދޭސީން ގައުމަށް ފޮނުވާލާފައިވޭ
- ތިން އަހަރުގެ ތެރޭގައި ބިދޭސީންގެ މައްސަލަ ހައްލުކުރަން ސަރުކާރުން އަމާޒު ހިފާފައިވޭ
