ސްވިމިން އެސޯސިއޭޝަން އޮފް މޯލްޑިވްސް އިން އިންތިޒާމުކޮށްގެން ބޭއްވި ގައުމީ ފެތުމުގެ މުބާރާތުގެ އަންހެން ބައިގެ އެއްވަނަ ހަމްނާ ހޯދީ 100 ޕޮއިންޓާއެކު އެވެ. ދެވަނަ ހޯދި ޒައިނަބް އަބްދުﷲ ޝަފީގަށް ލިބުނީ 90 ޕޮއިންޓެވެ. އަދި ތިންވަނަ މަގާމު ހޯދި މެރާލް އައިން ލަތީފަށް ވަނީ 80 ޕޮއިންޓް ލިބިފައެވެ.
އެންމެ މޮޅު ފިރިހެން އެތުލީޓަކަށް ރިހާން ހޮވުނީ 105 ޕޮއިންޓާއެކު އެވެ. ދެވަނަ މަގާމު ހޯދި އަލީ އިމްއާންއަށް 95 ޕޮއިންޓު ލިބުނުއިރު، ތިންވަނަ ހޯދި ދާއިން އަހުމަދު ޝަފީގަށް ވަނީ 85 ޕޮއިންޓު ލިބިފައެވެ.
މީގެއިތުރުން މުބާރާތުގެ ޖޫނިއާ ބައިގެ ފިރިހެން އެއްވަނަ ޒުކައިން އަބްދުﷲ ހަނީފް އަދި ދެވަނަ އައިމަން މޫސާ ރަޝީދު ވަނީ ހޯދާފައެވެ. ޖޫނިއާ އަންހެން ބައިން އެއްވަނަ އަމްނާ ތަޒްކިޔާ މިރްސާދު ހޯދިއިރު ދެވަނަ ހޯދާފައިވަނީ ލައިލީ އަހުމަދު ނަވާޒް، ޒޯހާ އަޒްލީ ނަޒީމް އަދި ސާރާ މުހައްމަދެވެ.
