"ސީއެންއެމް" އަށް މައުލޫމާތު ދެމުން އައްޑޫ ގާމެއްންޓު ފެކްޓްރީގެ މަސައްކަތް ހުއްޓާނުލައި ކުރިއަށްދާކަމަށް ބީސިސީގެ އޮފިޝަލެއް މިހެން ބުނެފައިވާއިރު ބައެއް މީޑިއާތަކުން ދަނީ ގާމެންޓް ފެކްޓަރީގެ މަސައްކަތަށް އައްޑޫ ސިޓީ ކައުންސިލުން ބީސީސީއަށް ދޫކުރި ބިން ދޫކޮށްލާކަމަށާއި އެ މަސައްކަތް ހުއްޓިފައިވާކަމުގެ ވާހަކަ ރިޕޯޓް ކުރަމުންނެވެ.
އެކަމާ ގުޅޭ ގޮތުން މައުލޫމާތެއް ހޯދުމަށް ސީއެންއެމްގެ ނިއުސްޓީމުން ވަނީ އައްޑޫ މޭޔަރު އަލީ ނިޒާރުގެ ބަހެއް ހޯދާފައެވެ.
އެކަހަލަ ކަމަކަށް އެންމެ އެކަށީގެންވާ ތަނަކުން ބީސީސީއަށް ބިން ދީފައި އޮތީ ރަނގަޅު ސައިޒަށް އެމީހުން އެއްބަސްވި ވަަރަކަށް ކަަމަށާއި އެއީ ދެފަރާތުން އެއްބަސްވެ ސޮއިކޮށް ނިމިފައި އިން ކަމެއް ކަަމަށް ނިޒާރު ވިދާޅުވިއެވެ.
ގާމެންޓް ފެކްޓްރީ ގާއިމް ކުރަން ބޭނުންވާ ބިން ކުއްޔަށް ދޫކުރުމުގެ އެއްބަސްވުމުގައި އައްޑޫ ސިޓީ ކައުންސިލާއި ބީސީސީއާ ދެމެދު ސޮއި ކޮށްފައިވަނީ 9 ޖޫން 2024 ގައެވެ. ގާމެންޓް ފެކްޓްރީ ގާއިމް ކުރުމަށްޓަކައި އައްޑޫ ސިޓީ ކައުންސިލުން ބީސީސީއަށް ކުއްޔަށް ދީފައިވަނީ 30،000 އަކަފޫޓުގެ ބިމެކެވެ.
މި މަޝްރޫއާއެކު، ރާއްޖެއަށް އެތެރެކުރާ ފޭރާމުގެ ބާވަތްތައް މަދުކޮށް، ވަޒީފާގެ އިތުރު ފުރުސަތުތައް ފަހިކުރުމަކީ ބީސީސީގެ އަމާޒަކަށް ވަނީ ވެފަ އެވެ.
މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑުގެ އިސްނެންގެވުމާއެކު ބީސީސީން ތަރައްގީ ކުރާ މި ފެކްޓްރީ ވެގެންދާނީ، ފެހުމުގެ ދާއިރާއިން ކުރިއަށްދާން ބޭނުންވާ ވިޔަފާރިތަކަށް ފުރުސުތު ފަހިވުމާއެކު، އަދުގެ ސަރުކާރުގެ ސިނާއީ ތަރައްގީގެ ހެޔޮ ބަދަލު ބާރު ދުވެލީގައި އައްޑޫ ސިޓީއާއި މުޅި ރާއްޖެއިންވެސް ފެނިގެންދާނެ ކަމަކަށެވެ.
