މިނިސްޓްރީން މިއަދު ބުނީ މި މަސައްކަތަކީ ގްލޯބަލް އެންވަޔަރަމަންޓް ފެސިލިޓީގެ ފަންޑިންގ އާއި ޔުނައިޓެޑް ނޭޝަންސް އެންވަޔަރަމަންޓް ޕްރޮގްރާމްގެ އެހީގައި ކުރިއަށް ގެންދާ މަސައްކަތެއް ކަމަށެވެ. މި މަސައްކަތުގެ މައިގަނޑު އަމާޒަކީ ގްރީންހައުސް ގޭސް އިންވެންޓްރީ އެކުލަވާލުމަށް ބޭނުންވާ ޓްރާންސްޕޯޓާ ގުޅޭ މައުލޫމާތު ހޯދުމަށް ރައްކާތެރި އަދި ހަރުދަނާ ނިޒާމެއް ގާއިމު ކުރުން ކަމަށް ވެސް ބުންޏެވެ.
މި މަސައްކަތުގެ ތެރެއިން ޓްރާންސްޕޯޓް މިނިސްޓްރީގެ އާ ވެބްސައިޓަކާއި ރައްކާތެރި ޑޭޓާ ހިއްސާކުރުމުގެ އިންޓަރފޭސްއެއް ތައްޔާރުކުރެވޭނެ އެވެ. އަދި އޮޑޮމީޓަރ ޑޭޓާ އެއްކުރުމަށް ރޯޑްވާދިނަސް ސިސްޓަމެއް ތައާރަފުކުރެވޭނެ ކަމަށް މިނިސްޓްރީން ބުންޏެވެ.
މިނިސްޓްރީން ބުނީ މި މަސައްކަތްތަކުގެ ސަބަބުން ޔުނައިޓެޑް ނޭޝަންސް ފްރޭމްވަރކް ކޮންވެންޝަން އޮން ކްލައިމެޓް ޗޭންޖް އަށް ގަވާއިދުން އަދި ހާމަކަން ބޮޑު ގޮތެއްގައި ރިޕޯޓުކުރެވޭނެ ކަމަށެވެ. އަދި މޫސުމަށް އަންނަ ބަދަލުތަކާ ގުޅިގެން ދިމާވާ ގޮންޖެހުންތައް އެދެވޭ ގޮތެއްގައި މެނޭޖްކުރުމަށް މަގުފަހިވެގެންދާނެ ކަމަށް ވެސް ބުންޏެވެ.
- އެންވަޔަރަމަންޓް މިނިސްޓްރީން ރިތަރިވަރކްސްއާ އެކު އެއްބަސްވުމުގައި ސޮއިކުރި
- މަސައްކަތް ކުރިއަށްދަނީ ގްލޯބަލް އެންވަޔަރަމަންޓް ފެސިލިޓީގެ ފަންޑިންގ އާއެކު
- ޓްރާންސްޕޯޓް މިނިސްޓްރީގެ އާ ވެބްސައިޓަކާއި ޑޭޓާ ހިއްސާކުރުމުގެ އިންޓަރފޭސްއެއް ތައްޔާރުކުރެވޭނެ
- މޫސުމަށް އަންނަ ބަދަލުތަކާ ގުޅޭ މައުލޫމާތު ބެލެހެއްޓުން ހަރުދަނާކުރެވޭނެ
- ޔޫއެން އަށް ހާމަކަން ބޮޑު ގޮތެއްގައި ރިޕޯޓުކުރެވޭނެ ނިޒާމެއް ގާއިމުކުރެވޭނެ
