ދެކުނަށް މޫސުން ގޯސް ނަމަވެސް، އުތުރުގެ މޫސުން އާންމު ގޮތެއްގައި ރަނގަޅު ވާނެ ކަމަށް މެޓުން ވަނީ ލަފާކޮށްފަ އެވެ.
މެޓުން ބުނީ މިއަދު އިރުއޮއްސެންދެން ދެކުނުގެ އެކި ސަރަހައްދުތަކަށް ވިއްސާރަ ކުރުމާއެކު ގުގުރާނެ ކަމަށެވެ. އަދި މެދުރާއްޖެތެރޭގެ ބައެއް ރަށްތަކަށް ކެރީގެ އަސަރު ކުރާނެ ކަމަށް ވެސް މެޓުން ވަނީ އިންޒާރު ދީފަ އެވެ.
މޫސުމުގެ ހާލަތާ ގުޅިގެން މެޓުން ދިން މައުލޫމާތުގައި، ހުޅަނގު އުތުރާއި އުތުރުން ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް ލަފާކުރެވޭ ކަމަށް ބުންޏެވެ. އަދި ވިލާގަނޑުގައި ގަޑިއަކު 35 މޭލުގެ ބާރުމިނަށް ވައި ގަދަވެދާނެ ކަމަށް ވެސް ބުންޏެވެ.
ކަނޑުގެ ހާލަތު ވެސް އާދަޔާ ހިލާފަށް ގޯސްވާނެ ކަމަށް މެޓުން ވަނީ އިންޒާރު ދީފަ އެވެ. އެގޮތުން ރާޅުގެ އުސްމިން ތިން ފޫޓާއި ހަ ފޫޓާ ދެމެދުގައި ހުންނާނެ ކަމަށް ލަފާކޮށްފައި ވެ އެވެ.
- ދެކުނަށް ވިއްސާރައާއި ގުގުރާނެ
- އުތުރުގެ މޫސުން ރަނގަޅު ވާނެ
- މެދުރާއްޖެތެރެއަށް ކެރީގެ އަސަރު ކުރާނެ
- ވައި ގަޑިއަކު 8-18 މޭލުގެ ބާރުމިނުގައި ޖެހޭނެ
- ވިލާގަނޑުގައި ވައި 35 މޭލަށް ގަދަވެދާނެ
- ރާޅުގެ އުސްމިން 3-6 ފޫޓާ ދެމެދުގައި ހުންނާނެ
