މި ނިޒާމަކީ މޯލްޑިވްސް އިންޓަގްރޭޓެޑް ހެލްތު އިންފޮމޭޝަން ސިސްޓަމް (މިހިސް)ގެ ޕަބްލިކް ޕޯޓަލްގެ ނަމުގައި ތައާރަފުކޮށްފައިވާ އާ ހިދުމަތެކެވެ.
މި ޕޯޓަލް މެދުވެރިކޮށް 2025 ވަނަ އަހަރުގެ ޖެނުއަރީ މަހުން ފެށިގެން އުފަންވާ ކުދިންނަށް ދެވޭ ވެކްސިންގެ މައުލޫމާތާއި، ހެދިބޮޑުވުމުގެ ޗާޓު އަދި ވިޓަމިން އޭ އާއި ފަނިބޭހުގެ މައުލޫމާތު ބެލެނިވެރިންނަށް ބެލޭނެއެވެ. އަދި ވެކްސިން ޖަހަންޖެހޭ ދުވަސް ކައިރިވުމުން އެސްއެމްއެސް މެދުވެރިކޮށް ބެލެނިވެރިންނަށް އެކަން އަންގާނެކަމަށް ހެލްތު މިނިސްޓްރީން ބުންޏެވެ.
މި ޕޯޓަލްގައި ޕްރައިމަރީ ހެލްތު ކެއާ ނިޒާމުގެ ތެރެއިން ހިދުމަތް ދެމުންދާ އަތޮޅުތަކުގައި ދިރިއުޅޭ ފަރާތްތަކަށް ގައިންގަޔަށް ނާރާ ބަލިތަކާއި އޭގެ ހިރާސްތަކުގެ މައުލޫމާތުވެސް ހިމެނޭނެއެވެ. އަދި ކުރިއަށް އޮތް ތަނުގައި މި ޕޯޓަލް އިތުރަށް ތަރައްގީކޮށް، ޑޮކްޓަރަށް ދެއްކުމުން ހަދާ ޓެސްޓުތަކުގެ ނަތީޖާތައްވެސް ބެލޭނެ ގޮތް ހަދާނެކަމަށް ހެލްތު މިނިސްޓްރީން މައުލޫމާތު ދިނެވެ.
- މިހިސް ޕަބްލިކް ޕޯޓަލް މިއަދު ވަނީ ތައާރަފުކޮށްފައި
- 2025 ޖެނުއަރީން ފެށިގެން އުފަންވާ ކުދިންގެ މައުލޫމާތު ލިބޭނެ
- ވެކްސިން ޖަހަންޖެހޭ ދުވަސް އެސްއެމްއެސްއިން އަންގާނެ
- ކުދިންގެ ހެދިބޮޑުވުމުގެ މައުލޫމާތު ބެލޭނެ
- ކުރިއަށް އޮތްތަނުގައި މެޑިކަލް ޓެސްޓުތަކުގެ ނަތީޖާވެސް ބެލޭނެ
