މިކަން އިއުލާނުކުރެއްވީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދެވެ.
މިނިސްޓަރު ޝަހީމް ވިދާޅުވި ގޮތުގައި އިމާމުން ތަމްރީނުކުރުމަށް ޖޯޑަން، ގަތަރު، ކުވެއިތު، ބަހްރެއިން، ސައުދީ އަރަބިއްޔާ އަދި މެލޭޝިއާއާއެކު މަޝްވަރާތައް ކުރިއަށްދާ ކަމަށެވެ. މި ދަތުރުތަކަކީ ކްލާސްރޫމުން ނުލިބޭ މައުލޫމާތާއި އިލްމު ލިބޭނެ ފުރުސަތުތަކެއް ކަމަށް މިނިސްޓަރު ފާހަގަކުރެއްވިއެވެ.
މި އަހަރު އިސްލާމިކް މިނިސްޓްރީން ވަނީ 818 އިމާމުން ތަމްރީނުކޮށްފައެވެ. އަދި މި ތަމްރީނު ޕްރޮގްރާމްތަކުގައި ގުރުއާން، ތަޖުވީދު، ތަފްސީރު، ފިގުހު އަދި އަގީދާގެ އިލްމުގެ ދާއިރާއިން މުހިންމު މައުލޫމާތު ކިޔަވައިދީފައިވެއެވެ.
ސަރުކާރުން އިމާމުންނަށް އިތުރު ފުރުސަތުތައް ހޯދައިދިނުމަށް މަސައްކަތްކުރަމުންދާއިރު، އަހަރަކު މަދުވެގެން 100 އިމާމުން ތަމްރީނުކުރުމާއި، ހައުސިންގ ސްކީމްތަކުގެ ތެރެއިން އިމާމުންނަށް ފުރުސަތު ހޯދައިދިނުމަށް ވެސް މަސައްކަތްކުރަމުންދެއެވެ.
