އެކަމަށްޓަކައި މިއަދު ހެނދުނު ވެލާނާ އިންޓަނޭޝަނަލް އެއާޕޯޓްް (ވީއައިއޭ) ގައި ހާއްސަ ރަސްމިއްޔާތެއް ވެސް ބޭއްވި އެވެ. ޓޫރިޒަމް މިނިސްޓަރު އިބްރާހީމް ފައިސަލް ޝަރުވެރިކޮށް ދެއްވި އެ ރަސްމިއްޔާތުގައި ދެ މިލިއަން ވަނަ ޓޫރިސްޓްގެ މަގާމު ލިބުނީ އޮސްޓްރިއާގެ އަންހެނަކަށެވެ.
އެ ރަސްމިއްޔާތުގައި އެމްއެމްޕީއާރުސީގެ މެނޭޖިން ޑިރެކްޓަރު އިބްރާހީމް ޝިއުރީ އާއި، އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދާއި އިމިގްރޭޝަންގެ އިސްވެރިން ބައިވެރިވެވަޑައިގެންނެވި އެވެ.
މިދިޔަ އަހަރު ރާއްޖެއަށް 1،747،370 ޓޫރިސްޓުން ޒިޔާރަތްކުރުމާ އެކު، ސަރުކާރުން ވަނީ މި އަހަރު ދެ މިލިއަން ޓޫރިސްޓުން ގެންނަން އަމާޒު ކަނޑައަޅައި، އެކަމަށް މި އަހަރުގެ ތެރޭގައި ގިނަ މަސައްކަތްތަކެއް ކޮށްފަ އެވެ.
މިއީ އެއް އަހަރެއްގައި ރާއްޖެއަށް ދެ މިލިއަން ފަތުރުވެރިން ޒިޔާރަތްކުރި ފުރަތަމަ ފަހަރެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން ރާއްޖެއަށް މި އަހަރު ޒިޔާރަތްކުރި ފަތުރުވެރިންގެ އަދަދު ވަނީ މިދިޔަ އަހަރާ އަޅާބަލާއިރު ނުވަ ޕަސެންޓް އިތުރުވެފަ އެވެ.
