Advertisement

އިސްލާމިކް މިނިސްޓްރީން މިއަދު ހާމަކުރި މައުލޫމާތުގައިވާ ގޮތުން، މި މަހު އުމްރާއަށް އެންމެ ގިނަ މީހުން ގެންގޮސްފައިވަނީ ހައްޖު ކޯޕަރޭޝަނުންނެވެ. އެގޮތުން އެ ކުންފުނިން 830 އަށް ވުރެ ގިނަ މީހުން ގެންގޮސްފައިވެއެވެ.

އެހެން ކުންފުނިތަކުގެ ތެރޭގައި އަލް މުސާފިރުއިން 660 މީހުންނާއި، ގިބްލަ ހައްޖު އެންޑް އުމްރާއިން 456 މީހުންނާއި، ހިޖާޖްއިން 316 މީހުންނާއި، ނިމްސް މޯލްޑިވްސްއިން 356 މީހުންނާއި އަދި އަލް ސަފާއިން 325 މީހުން ހިމެނެއެވެ.

އިސްލާމިކް މިނިސްޓްރީން އިތުރަށް ބުނީ އުމްރާއަށް ދިޔަ މީހުންގެ ހާލު ރަނގަޅު ކަމަށެވެ. އަދި މި މަހު ބައެއް ވިޔަފާރިވެރިންގެ އެހީތެރިކަމާއެކު ރަށްރަށުން ވެސް ގިނަ ބަޔަކު އުމްރާއަށް ފޮނުވާފައިވާ ކަމަށް މިނިސްޓްރީން ފާހަގަކޮށްފައިވެއެވެ.

• 6 ކުންފުންޏަކުން 2،900 އަށް ވުރެ ގިނަ މީހުން ގެންދިޔަ
• ހައްޖު ކޯޕަރޭޝަނުން އެންމެ ގިނަ 830 މީހުން ގެންދިޔަ
• އުމްރާއަށް ދިޔަ އެންމެންގެ ހާލު ރަނގަޅު
• ވިޔަފާރިވެރިންގެ އެހީގައި ރަށްރަށުން މީހުން ފޮނުވާފައިވޭ