މަޖިލިސް ރައީސް ވިދާޅުވީ ދިވެހިރާއްޖޭގެ އަޑުގެ ހިދުމަތް މިހާރަށްވުރެ ރަނގަޅުކުރަން ޖެހޭ ކަމަށާއި، އެކަން ކުރެވޭނީ މާލެއިން އެކަނި ނޫން ކަމަށެވެ. އަދި އަތޮޅުތަކަށް މި ޚިދުމަތް ފޯރުކޮށްދިނުމަކީ މުހިންމު ކަމެއް ކަމަށް އެމަނިކުފާނު ވިދާޅުވިއެވެ.
އަބްދުއްރަހީމް އަމިއްލަ ތަޖުރިބާ ހިއްސާކުރައްވަމުން ވިދާޅުވީ، ކުރީގެ ދުވަސްވަރު ލ. އަތޮޅު އޮފީހުގައި މަސައްކަތް ކުރެއްވިއިރު "އަތޮޅު ހަފްތާ ޚަބަރު" ތައްޔާރުކުރެއްވުމުގައި އަމަލީ ގޮތުން ބައިވެރިވެ ވަޑައިގެންނެވި ކަމަށެވެ. އަދި ބައެއް ފަހަރު އެ ޚަބަރު ކިޔުއްވާވެސް ކަމަށް ވިދާޅުވިއެވެ.
ދިވެހިރާއްޖޭގެ އަޑަކީ ރާއްޖޭގެ އެންމެ ގިނަ ދުވަސްވީ ޚަބަރު ފަތުރާ ވަސީލަތް ކަމަށް ފާހަގަކުރައްވަމުން، މި ޚިދުމަތް ދެމެހެއްޓުމަށް މަސައްކަތްކުރުމަކީ މުހިންމު ކަމެއް ކަމަށް މަޖިލިސް ރައީސް ވިދާޅުވިއެވެ. އަދި މި މުއައްސަސާއަކީ މުސްތަގުބަލު އޮތް ތަނެއް ކަމަށްވެސް އެމަނިކުފާނު ވިދާޅުވިއެވެ.
