
ވެމްކޯއިން ކުނި އުކާލަނީ ފޮޓޯ: ޓްރާންސްޕޯޓް މިނިސްޓްރީ
ވެމްކޯގެ ގޭޓްފީ ދެބައިކުޅަ އެއްބަޔަށް ކުޑަކޮށްފި
ގުފްތަގް އަޖީރު
02 ޖެނުއަރީ 2025 - 10:21:48
ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން މިއަދު އިއުލާންކުރި ގޮތުގައި، ސަރަހައްދީ ސިޓީތަކާއި ރަށްރަށުގެ ކުނި މެނޭޖްކުރާ މަރުކަޒުތަކަށް ކުނި އުކާލުމަށް ނަގާ ގޭޓްފީ ދެބައިކުޅަ އެއްބަޔަށް ކުޑަކޮށްފި އެވެ.
ވެމްކޯއިން ނެރުނު އިއުލާނުގައި ބުނެފައިވާ ގޮތުން، އަމިއްލަ ފަރާތްތަކުން ކުނި އުކާލުމަށް ނަގާ ގޭޓްފީ މިހާރު ވަނީ ޓަނަކަށް 212 ރުފިޔާއިން 106 ރުފިޔާއަށް ކުޑަކުރެވިފައެވެ. މި އަގު ކަނޑައަޅާފައިވަނީ ކުނި އުފުލާ އުޅަނދުފަހަރުގެ ރަޖިސްޓަރީކުރެވިފައިވާ ބަރުދަނަށް ބަލައިގެންނެވެ.
މީގެ ކުރިން ވެމްކޯއިން ވަނީ މާލެ ސަރަހައްދުގެ ޓްރާންސްފާ ސްޓޭޝަންތަކުން ނަގާ ގޭޓްފީ ވެސް 500 ރުފިޔާއަށް ކުޑަކޮށްފައެވެ. މިއީ ރާއްޖޭގެ އެކި ސަރަހައްދުތަކުގައި ކުނި މެނޭޖްކުރުމުގެ ހިދުމަތް ފުޅާ ދާއިރާއެއްގައި ދެމުންދާ ކުންފުނިން އަންނަނީ އާންމުންނަށް ލުއިފަސޭހަ ގޮތްތަކެއް ހޯދައިދިނުމަށް މަސައްކަތްކުރަމުންނެވެ.
- ކުރިން ގޭޓްފީގެ ގޮތުގައި ނަގަމުން އައީ ޓަނަކަށް 212 ރުފިޔާ
- މާލެ ސަރަހައްދުގެ ޓްރާންސްފާ ސްޓޭޝަންތަކުގެ ގޭޓްފީ ވެސް ވަނީ 500 ރުފިޔާއަށް ކުޑަކޮށްފައި
- އަގު ކަނޑައަޅަނީ އުޅަނދުގެ ރަޖިސްޓަރީކުރެވިފައިވާ ބަރުދަނަށް ބަލައިގެން
- މި ބަދަލު ގެނެސްފައިވަނީ ސަރަހައްދީ ސިޓީތަކާއި ރަށްރަށުގެ ކުނި މެނޭޖްކުރާ މަރުކަޒުތަކަށް
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް