ރައީސް މުއިއްޒު
ބޯހިޔާވަހިކަމުގެ މަޝްރޫއުތަކަށް މި މަހު ކޮންޓްރެކްޓަރުން ހޯދަން އިއުލާންކުރަނީ
ގުފްތަގް އަޖީރު
05 ޖެނުއަރީ 2025 - 21:49:25
ސަރުކާރުން އިއުލާންކޮށްފައިވާ ބޯހިޔާވަހިކަމުގެ މަޝްރޫއުތައް ކުރިއަށް ގެންދިއުމަށްޓަކައި މި ހިނގާ ޖެނުއަރީ މަހުގެ ތެރޭގައި ކޮންޓްރެކްޓަރުން ހޯދުމަށް އިއުލާންކުރާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
Advertisement
ކ. ގުޅީގައި ރައްޔިތުންނާ ބައްދަލުކުރެއްވުމަށްފަހު ދެއްކެވި ވާހަކަފުޅުގައި ރައީސް ވިދާޅުވީ، 2025 ވަނަ އަހަރަކީ ބޯހިޔާވަހިކަމުގެ އަހަރެއްގެ ގޮތުގައި ހަދާނެ ކަމަށެވެ. އަދި މެނިފެސްޓޯގައި ހިމެނޭ ހުރިހާ ބޯހިޔާވަހިކަމުގެ މަޝްރޫއުތަކެއް ކުރިއަށް ގެންދާނެ ކަމަށް ވެސް ވިދާޅުވިއެވެ.
މާލެ ފިޔަވައި ރާއްޖޭގެ އެހެން ހުރިހާ ރަށެއްގައި މި މަޝްރޫއުތައް ކުރިއަށްދާނެ ކަމަށް ރައީސް ވިދާޅުވިއެވެ. މާލޭގެ މަޝްރޫއުތައް ވެސް ކުރިން އިއުލާންކޮށްފައިވާ ގޮތަށް ކުރިއަށްދާނެ ކަމަށް އެމަނިކުފާނު ވިދާޅުވިއެވެ.
ރައީސް އިތުރަށް ވިދާޅުވީ މި އަހަރަކީ ތަރައްގީގެ އަމަލީ އަހަރެއްގެ ގޮތުގައި ހަދާނެ ކަމަށެވެ. އަދި ގެދޮރުވެރިކަމުގެ ދާއިރާއިން އިއުލާންކޮށްފައިވާ ލޯނު ސްކީމްގެ ދަށުން ގިނަ ބަޔަކަށް ލުއި ލޯނު ލިބިގެންދާނެ ކަމަށް ވެސް ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
