މި ދައުވަތުތައް ފޮނުވަމުންދަނީ ހައްޖު ކިއު ތަރުތީބުންނެވެ.
ހައްޖު ކޯޕަރޭޝަންގެ މެނޭޖިން ޑިރެކްޓަރު އަހުމަދު ޝަކީލް ދައުލަތުގެ މީޑިއާ މެދުވެރިކޮށް ވިދާޅުވީ، ބައެއް ފަރާތްތަކުން އެކި ސަބަބުތަކާ ހުރެ މިއަހަރު ހައްޖަށް ނުދެވޭނެ ކަމަށް އަންގާފައިވާ ކަމަށެވެ. އަދި އެ ޖާގަތަކަށްވެސް ކިއު ތަރުތީބުން އެހެން ފަރާތްތަކަށް ފުރުސަތު ދެމުންދާ ކަމަށް އޭނާ ވިދާޅުވިއެވެ.
މިއަހަރު ހައްޖަށް މީހުން ގެންދިއުމަށް އިދާރީ ގޮތުން ވާންޖެހޭ ތައްޔާރީތައް މިހާރުވެސް ވަމުންދާ ކަމަށް ޝަކީލް ވިދާޅުވިއެވެ. އަދި މިކަމުގައި ހައްޖު ކޯޕަރޭޝަނާއި އިސްލާމިކް މިނިސްޓްރީން ގުޅިގެން މަސައްކަތް ކުރަމުންދާ ކަމަށްވެސް އޭނާ ވިދާޅުވިއެވެ.
މިއަހަރު ހައްޖަށް މީހުން ގެންދާނީ ހަމައެކަނި ހައްޖު ކޯޕަރޭޝަނުންނެވެ. އަދި ސަރުކާރުން ނިންމާފައިވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދާ އެއްގޮތަށް 50 ފަގީރުން ހައްޖަށް ފޮނުވުމަށެވެ.
- ހައްޖު ދައުވަތު ފޮނުވަން ފަށައިފި
- ދައުވަތު ފޮނުވަނީ ކިއު ތަރުތީބުން
- މިއަހަރު ހައްޖަށް ގެންދާނީ ހަމައެކަނި ހައްޖު ކޯޕަރޭޝަނުން
- 50 ފަގީރުން ހައްޖަށް ފޮނުވުމަށް ސަރުކާރުން ނިންމާފައިވޭ
- އިދާރީ ތައްޔާރީތައް މިހާރުވެސް ދަނީ ކުރަމުން
