އީސީން މިއަދު ހާމަކުރި މައުލޫމާތުގައިވާ ގޮތުން، މި އިންތިހާބުގައި 11 ރަށެއްގައި 14 ވޯޓު ފޮށި ބެހެއްޓުމަށް ވަނީ ހަމަޖެހިފައެވެ. އަދި މާލޭގައި ހަތަރު ވޯޓު ފޮށި ބެހެއްޓުމަށް ވެސް ވަނީ ނިންމައިފައެވެ. މާލޭގައި ބަހައްޓާ ހުރިހާ ވޯޓު ފޮށިތަކެއް ބަހައްޓާނީ މާފަންނު މަދަރުސާގައެވެ.
ވޯޓު ފޮށި ބަހައްޓާ ރަށްތަކުގެ ތެރޭގައި ނ. ލަންދޫ، ހދ. ހިރިމަރަދޫ، ނ. މިލަދޫ، އދ. ހަންޏާމީދޫ، ބ. ގޮއިދޫ، ލ. ގަން، ނ. ފޮއްދޫ، ރ. އިންނަމާދޫ، ދ. ހުޅުދެލި، ގއ. ކަނޑުހުޅުދޫ އަދި ތ. ބުރުނި ހިމެނެއެވެ. އޭގެ ތެރެއިން ލ. ގަމުގައި ހަތަރު ވޯޓު ފޮށި ބެހެއްޓުމަށް ވަނީ ހަމަޖެހިފައެވެ.
އިލެކްޝަންސް ކޮމިޝަނުން އިތުރަށް ހާމަކުރި ގޮތުގައި މާލޭގައި ބަހައްޓާ ވޯޓު ފޮށިތަކަށް ވޯޓުލެވޭނީ އެ ރަށްރަށުގެ ރައްޔިތުންގެ ތެރެއިން މާލޭގައި ދިރިއުޅޭ، އެ ފޮށިތަކަށް ވޯޓުލުމަށް ރަޖިސްޓަރީ ވެފައިވާ މީހުންނަށެވެ. މި ބައި-އިލެކްޝަނަށް މިހާތަނަށް 50 ފަރާތަކުން ވަނީ ކުރިމަތިލައިފައެވެ.
- ބައި-އިލެކްޝަނުގައި ޖުމުލަ 18 ވޯޓު ފޮށި ބެހެއްޓޭނެ
- މާލޭގައި 4 ވޯޓު ފޮށި ބެހެއްޓޭނެ
- 11 ރަށެއްގައި 14 ވޯޓު ފޮށި ބެހެއްޓޭނެ
- ލ. ގަމުގައި 4 ވޯޓު ފޮށި ބެހެއްޓޭނެ
- މާލޭގެ ހުރިހާ ވޯޓު ފޮށިތަކެއް ބެހެއްޓޭނީ މާފަންނު މަދަރުސާގައި
- އިންތިހާބަށް 50 ފަރާތަކުން ވަނީ ކުރިމަތިލައިފަ
