"ސީއެންއެމް" އަށް މައުލޫމާތު ދެމުން ފުލުހުންގެ މީޑިއާ އޮފިޝަލު ވަނީ މިމަހުގެ 9 ވަނަ ދުވަހު އާރްޑީސސީގެ ސައިޓްއަކުން މިމައްސލަަ ފުލުހުންނަށް ހުށަހަޅާފައިވާކަމަށް ބުނެފައެވެ. އަދި އެ މައްސަލަ މިހާރު ގެންދަނީ ތަހުގީގުކުރަމުން ކަމަށްވެސް ފުުލުހުންވަނީ "ސީއެންއެމް" އަށް ކަށަވަރުކޮށްދީފައެވެ.
މާމިގިލި މަގު ހަދަމުން ދަނިކޮށް ބަޔަކު ގާތަށް ރޫޅާލި މަންޒަރުގެގެ ވީޑިއޯއެއް ވަނީ ސޯޝަލް މީޑިއާގައި އާންމުވެފައެވެ. އަދި އެކަން ކުރީ މާމިގިލި ކައުންސިލް ރައީސް އަދި އެސްޖީ ކަމަށް ބުނެ އަޑުތަކެއް ވަނީ ފެތުރިފައެވެ. އެފަދައިން އެވާހަކަ ފެތުރިނަމަވެސް ވީޑިއޯއިން އެކަން ކުރީ އެފަރާތްތަކުންކަން އާރްޑިސީން އަދި ކައުންސިލް ރައީސް ވެސް އަމިއްލައިން ވެސް ހާމަކޮށްފައެއް ނުވެއެވެ.
މާމިގިލި މަގުހެދުމުގެ މަސައްކަތް ފުރަތަމަ ފެށީ މަގުގެ ޑިޒައިންވެސް ހިމެނޭގޮތަށް ހުރިހާ އެއްޗެއްް އެޕްރޫވްކޮށް ، އެއްބަސްވެގެން ނަަމަވެސް އެކި ފަަހަރު މަތިން ސްކޯޕަށް ބަދަލުގެންނަށް ޖެހުމާއި، އަގު އަދި ޑިޒައިންފަދަ އިތުރު ކަންކަމަށް ބަދަލުގެންނަން ޖެހިގެން ހުއްޓުނު ފަހަރުތަކެއްވެސް ކުރިން އައި ކަަމަށް "ސީއެންއެމް" އަށް މައުލޫމާތު ދެމުން އާރްޑީސީގެ މީޑިއާ އޮފިޝަލު ފައިރޫޒް ވިދާޅުވިއެވެ. އަދި ކުރިން އެގޮތަށް ކަންކަން ދިމާވިނަމަވެސް މިވަގުތު މަގުހެދުމުގެ މަސައްކަތް އެބަ ކުރިއަށް ދާކަމަށް އޭނާ ފާހަގަކުރެއްވިއެވެ.
މިކަމާ ގުޅޭގޮތުން މާމިގިލި ކައުންސިލް ރައީސް އިމާދް ފާރޫގްވެސް ވަނީ ސީއެނެއެމްއަށް މައުލޫމާތު ދެއްވާފައެވެ. އޭނާ ވިދާޅުވީ މައްސަލައަކަށް ވެގެން އުޅެނީ ކާބް ޖަހާފައި ހުރީ މަގުގެ މެދުން ކަމަށްވާތީ ކަަމަށެވެ. އެކަމަށް ބަލުގެންނަން ކޮންސްޓްރަކްޝަން މިނިސްޓްރީއަށް އަންގާގެން ވާހަކަދައްމުން އަންނަތާ 2 އަހަރު ދުވަސް ވާން ކައިރިވެފައިވާކަމަށް ފާރޫގް ވިދާޅުވުއެވެ. އަދި މަގުގެ ކުރެހުމަކީ ކުރީގެ ކައުންސިލް އޮތް އިރު އެޕްރޫވް ކުރި ކުރެހުމެއްކަަމަށްވެސް އޭނާ ބުނެއެވެ.
މިހާރު ހުރިގޮތުން ނަމަ އެއްފަރާތަށް ޕޭމްންޓް ނަގާފައި އެހުރީ މަގު މެދު ސެންޓާ ލައިނުން ކަމަށާއި އަދި ގާތަށް ނެގީ އެތަނުން ކަމަށް ކައުންސިލް ރައީސް ވިދާޅުވިއެވެ.
