Women and democracy ge furathama youth ambassador akah hamdha

ހަބަރު / ސިޔާސީ

ވިމެން އެންޑް ޑިމޮކްރަސީގެ ފުރަތަމަ ޔޫތު އެމްބެސެޑަރަކަށް ހަމްދާ

ގުފްތަގް އަޖީރު

15 ޖެނުއަރީ 2025 - 12:54:07

ވިމެން އެންޑް ޑިމޮކްރަސީން އެ ޖަމިއްޔާގެ ފުރަތަމަ ޔޫތު އެމްބެސެޑަރުގެ މަގާމަށް ޑިމޮކްރެޓްސް ޕާޓީގެ އަންހެނުންގެ ލީޑަރު ހަމްދާ މުހައްމަދު އައްޔަންކޮށްފި އެވެ.

މި މަގާމަށް ހަމްދާ އައްޔަންކުރުމާ ގުޅިގެން ވިމެން އެންޑް ޑިމޮކްރަސީން ނެރުނު ބަޔާނުގައި ބުނެފައިވަނީ މިއީ އެ ޖަމިއްޔާއިން ފަށާފައިވާ ޔޫތު އެމްބެސެޑާ ޕްރޮގްރާމްގެ ދަށުން އައްޔަންކުރި ފުރަތަމަ އެމްބެސެޑަރު ކަމަށެވެ.

ޔޫތު އެމްބެސެޑާ ޕްރޮގްރާމްގެ މައިގަނޑު މަގުސަދަކީ ޒުވާން އެކްޓިވިސްޓުންނާއި ރާއްޖޭގެ ލީޑަރުންގެ މެދުގައި ގުޅުން ބަދަހިކޮށްދިނުން ކަމަށް އެ ޖަމިއްޔާއިން ހާމަކޮށްފައި ވެއެވެ. އަދި މި މަގާމުގައި ހުރެ ހަމްދާ އަންހެނުންގެ ޕިއާ ގްރޫޕް ނެޓްވޯކް އުފެއްދުމުގައި މުހިންމު ދައުރެއް އަދާކުރާނެ ކަމަށް ވެސް ބުނެފައި ވެއެވެ.

ހަމްދާއަކީ ޑިމޮކްރެޓްސް ޕާޓީގެ ޕޯޑިއަމްތަކުގައި ދައްކަވާ ވާހަކަތަކުން ގިނަ ބަޔަކަށް ފާހަގަކުރެވިފައިވާ ސިޔާސީ އެކްޓިވިސްޓެކެވެ.