ފުލުހުން ބުނީ މިމަހުގެ 13 ވަނަ ދުވަހު ހިންގި އެ އޮޕަރޭޝަނުގައި ހައްޔަރުކޮށްފައިވަނީ ގއ. މާމެންދޫ މޫނިމާގެ، 27 އހަރުގެ ނަޒީހް ޝަރީފް، ޏ. ފުވައްމުލައް ދަޑިމަގު ވައިގެ، 31 އަހަރުގެ މުހްސިން މުހައްމަދު އަދި މާލެ، ދަފްތަރު ނަންބަރު ދރ.465، 40 އަހަރުގެ މުހައްމަދު ޝާން އަބްދުލްގަނީ ކަމަށެވެ.
ކައުންޓާ ނާކޮޓިކްސް އިންޓެލިޖެންސާއި ޑްރަގް އެންފޯސްމަންޓު ގުޅިގެން ހިންގި އެ އޮޕަރޭޝަނުގައި މި ތިން މީހުން ހައްޔަރުކޮށް ބަލައިފާސްކުރިއިރު މަސްތުވާތަކެތިކަމަށް ބެލެވޭ ތަކެތި ފެނިފައިވާކަމަށް ފުލުހުން ބުނެ އެވެ. އަދި އެތަކެތީގެ ވަގުތީ ބަރުދަނަކީ 98.37 ގުރާމް ކަަމަށް ފުލުހުން މައުލޫމާތުދެ އެވެ.
ފުލުހުން ބުނީ މި މައްސަލައާ ގުޅިގެން އެ މީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ތިން މީހުން ވެސް 15 ދުވަހަށް ބަންދުކުރުމަށް އަމުރުކޮށްފައިވާކަމަށެވެ.
މި މައްސަލަ ފުލުހުން ގެންދަނީ ތަހުގީގުކުރަމުންނެވެ.
