ތިމަރަފުށީ ކުޅުންތެރިއެއް
ތިންތަރި ޖެހި ތިމަރަފުށި ދެވަނަ މެޗުވެސް ނަގައިފި
ސްޕޯޓްސް ޓީމް
15 ޖެނުއަރީ 2025 - 21:04:44
ރާއްޖޭގެ ފުޓްސަލްގެ ރަސްގެފާނު، ތިމަރަފުށިން މި ފަހަރުގެ ގޯލްޑަން ފުޓްސަލް ޗެލެންޖުގައި ކުޅުނު ދެވަނަ މެޗުންވެސް މޮޅުވެއްޖެއެވެ.
Advertisement
ކުރިން ތިން ފަހަރު ރާއްޖޭގެ ޗެމްޕިއަންކަން ހޯދާފައިވާ ތިމަރަފުށިން، އެ ޓީމުގެ ދެވަނަ މެޗުގައި އެ އަތޮޅު ދިޔަމިގިލީގެ މައްޗަށް 9-1 ގެ ނަތީޖާ އަކުންވަނީ ކުރި ހޯދާފައެވެ. މި މެޗުގައި ތިމަރަފުށީގެ އަހުމަދު އަފްލާޒް ތިން ގޯލު ޖަހާ ހެޓްރިކް ހެދިއިރު, އިބްރާހީމް ހަމްދާން ވަނީ ދެ ގޯލު ޖަހައިފަ އެވެ. އަދި ކެޕްޓަން އިބްރާހީމް އަސްވަދު (ގަބޭ), އާދަމް ނާސިހް އަދި އިސްމާއިލް މުނީޒް ވަނީ ގޯލެއް ޖަހާފަ އެވެ.
މި ގްރޫޕްގެ އެއް ވަނައިގައި އޮތީ ދެ މެޗުން ވެސް މޮޅުވެ، ހަ ޕޮއިންޓް ހޯދާފައިވާ ތިމަރަފުށްޓެވެ. ދެ ވަނައިގައި އޮތް ވިލުފުށްޓަށް ވެސް ހަ ޕޮއިންޓް ލިބިފައިވާއިރު، ތިން ވަނައިގައި އޮތް ކިނބިދޫ އަށް ވަނީ ހަތަރު ޕޮއިންޓް ލިބިފަ އެެވެ. ހަތަރެއްގައި އޮތް އޮމަދޫ އަށް ޕޮއިންޓެއް ލިބިފައިވާއިރު، ފުލުގައި އޮތް ދިޔަމިގިއްޔަށް އަދި ޕޮއިންޓެއް ނުލިބެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
