ރޭ ވައްކަން ކުރަން އުޅެފައި ވަނީ ހުޅުމާލޭގައި ހުރި ޓްރާންސްފޯމަރަކުން ނެވެ. އަދި ވައްކަން ކުރަނިކޮށް އަތުލައިގަތުމުން އެމީހާ ވަނީ ސްޓެލްކޯ މުވައްޒަފުގެ ގައިގައި ރެންޗަކުން ޖަހައި މާރާމާރީ ހިންގާފަ އެވެ.
ޓްރާންސްފޯމަރަށް ގެއްލުންދީ މާރާމާރީ ހިންގި މީހާ މިހާރު ވަނީ ފުލުހުންނާއި ހަވާލުކޮށްފައިވާކަމަށްވެސް ސްޓެލްކޯއިން ވަނީ ބުނެފަ އެވެ.
ވައްކަން ހުއްޓުވަން މަސައްކަތްކުރި މުވައްޒަފުންގެ އަގުވަޒަން ކުރުމުގެ ގޮތުން އެއް މުވައްޒަފަކަށް ސްޓެލްކޯގެ "މެޑަލް އޮފް ބްރޭވަރީ" ވަނީ އަރުވާފަ އެވެ. އަދި އެކަމުގައި ދެން ހަރަކާތްތެރިވި މުވައްޒަފަށް ވަނީ އެކަމުގެ ހަނދާނި ލިޔުމެެއް އަރުވައިފާކަން އެކުންފުނިން މައުލޫމާތުދެ އެވެ.
ސްޓެލްކޯގެ މުވައްޒަފަކަށް ހަދާނީ ލިޔުން ދިނުން
ސްޓެލްކޯއިން ބުނިގޮތުގަިއ އެ މުވައްޒަފުންގެ އަގުވަޒަންކޮށްފައި މިވަނީ ހިރާހާއި ނުރައްކަލުގެ ވަގުތުގައި ދައްކުވައިދިން ހިތްވަރާއި ކެތްތެރިކަން ފާހަގަކުރުމުގެ ގޮތުން ކަމަށް އެ ކުންފުނިން ބުނެ އެވެ.
އޭގެއިތުރުން މުވައްޒަފުންގެ ސަލާމަތާއި ރައްކާތެރިކަން ކަށަވަރުކުރުމަށް އަބަދުވެސް މަސައްކަތް ކުރާނެކަަމަށް ސްޓެލްކޯއިން ބުނެ އެވެ. އެގޮތުން އެ ފަދަ ހާދިސާތަަކށް ސަމާލުކަމެއް ދީގެން ވަރަށް ހައްސާސް މައްސަލައެއް ގޮތުގައި ބަލާ ފިޔަވަޅު އަޅަމުން ދާނެކަމުގެ ޔަގީންކަންވެސް އެ ކުންފުނިން ދެއެވެ.
ވައްކަން ކުރި މީހާ ޓްރާންސްފޯމަރަށް ގެއްލުންދިނުމާއި ގުޅިގެން ހުޅުމާލޭ ދެވަނަ ފިޔަވަހީގެ އެމްޕީއެލް ޓަވަރުތަކުން ރޭ ވަނީ ކަރަންޓުގެ ހިދުމަތްވެސް މެދުކެނޑިފައެވެ. ސްޓެލްކޯއިން ބުނީ ވީ އެންމެ އަވަހަކަށް ކަރަންޓުގެ ހިދުމަތް މެދުކެނޑިފައިވާ ޓަވަރުތަކަށް ކަރަންޓު ދިނުމުގެ މަސައްކަތް ކުރަމުން ދާކަމަށެވެ.
