މި މަސައްކަތަށް ޝައުގުވެރިވާ ފަރާތްތަކަށް ބިޑް ހުށަހެޅުމުގެ ފުރުސަތު މިހާރު ވަނީ ހުޅުވާލާފައެވެ.
މިފްކޯއިން ބުނީ ހޮވޭ ލޯ ފާމުން ކުރަންޖެހޭ މަސައްކަތްތަކުގެ ތެރޭގައި ކުންފުނިން ދައުވާ ކުރާ އަދި ދައުވާ ލިބޭ މައްސަލަތައް ދިރާސާކުރުމާއި، ކޯޓާއި ޓްރައިބިއުނަލްގައި މިފްކޯގެ ފަރާތުން ވަކާލާތު ކުރުން ހިމެނޭ ކަމަށެވެ.
މީގެ އިތުރުން މިފްކޯއިން ހަދާ އުސޫލުތަކާއި އެއްބަސްވުންތައް ގާނޫނީ އޮނިގަނޑުގެ ތެރެއިން ބައްޓަންކުރުމުގައި ލަފާ ދިނުމާއި އެ ލިޔެކިޔުންތައް ޑްރާފްޓްކުރުމުގެ މަސައްކަތްތައްވެސް ކުރަންޖެހޭނެއެވެ.
ބިޑް ހުށަހެޅުމަށް ޝައުގުވެރިވާ ފަރާތްތަކުން 20 ޖަނަވަރީ 2025 ވާ ހޯމަ ދުވަހުގެ މެންދުރު 1:00 ގެ ކުރިން ބިޑް ހުޅުވުމުގެ ބައްދަލުވުމުގައި ބައިވެރިވުމަށް ރަޖިސްޓަރީ ކުރަންޖެހޭނެއެވެ. އަދި އަންދާސީ ހިސާބު ހުށަހަޅަންޖެހެނީ އެ ދުވަހުގެ މެންދުރުފަހު 2:30 ގެ ކުރިންނެވެ. ބިޑް ހުޅުވުން އޮންނާނީ މައިކްރޯސޮފްޓް ޓީމްސް މެދުވެރިކޮށް މެންދުރުފަހު 2:35 ގައެވެ
