އެ ކައުންސިލުން މި ހިދުމަތް ތައާރަފުކުރީ މި ހަފްތާގައެވެ. ކައުންސިލުން ބުނީ މި ހިދުމަތް ފެށީ ތިމަވެއްޓާއި ރައްޓެހި ހިދުމަތެއް ދިނުމުގެ ގޮތުންކަށެވެ. އަދި އެރަށަކީ އެކި ބޭނުން ތަކަށް ގިނަ ބަޔަކު ޒިޔާރަތް ކުރާ ރަށަކަށް ވުމުން ރަށަށް އަރާ މީހުންނަށް ރަށް ބަލާލުމަށް ފުރުސަތު ދިނުމަކީވެސް މި ހިދުމަތް ތައާރަފުކުރުމުގެ ބޭނުމެއް ކަމަށް ތިނަދޫ ކައުންސިލުން ބުނެއެވެ.
ކައުންސިލުން ކުލީ ބައިސްކަލްގެ ހިދުމަތް ފަށާފައިވަނީ 20 ބައިސްކަލާއި އެކުއެވެ. މި ބައިސްކަލްތައް ބަހައްޓަފައިވަނީ އާއްމުކޮށް މީހުން ރަށަށް އަރާ ބަނދަރު ސަރަހައްދުގައެވެ. ރަށަށް އަރާ 18 އަހަރުން މަތީގެ ކޮންމެ މީހަކަށްވެސް މި ތަނުން ބައިސްކަލް ލިބޭނެކަމަށްް ކައުންސިލުން ބުނެއެވެ. އަދި ކުޑަކުއްޖެއް ނަމަ ބެލެނިވެރިޔާގެ ބެލުމުގެ ދަށުން ބައިސްކަލް ދޫކުރާނެކަމަށްވެސް ކައުންސިލުން ބުނެއެވެ.
ކައުންސިލުން ބައިސްކަލް ކުއްޔަށް ދޫކުރަނީ ދިވެހިންނަށް ގަޑިއިރަކަށް 2 ރުފިޔާއަށެވެ. ބިދޭސީއެއް ނަމަ ގަޑިއިރަކަށް ނަގަނީ 5 ރުފިޔާއެވެ.
ތިނަދޫ ކައުންސިލުން ބުނީ މި ހިދުމަތް މި ހިދުމަތް ފެށުމާއެކު ގިނަ ބަޔަކު ވަނީ މި ހިދުމަތް ބަލައިގަނެ، ބައިސްކަލް ބޭނުން ކުރަން ފަށައިފައިކަމަށެވެ.
